വീട് തകര്‍ന്നുവീണ് വീട്ടമ്മയ്‌ക്ക് പരിക്കേറ്റു

മുണ്ടക്കയം: വീട് തകര്‍ന്ന് വീണ് വീട്ടമ്മയ്‌ക്ക് പരിക്ക്. മുണ്ടക്കയം കൊച്ചുകല്ലേപ്പാലത്തിന് സമീപം ആറ്റുപുറത്ത് വേണുവിന്റ വീടിന്റ മേല്‍ക്കുര തകര്‍ന്ന് വീണ് വീട്ടമ്മ ദീപ (40)യ്‌ക്കാണ് പരിക്കേറ്റത്. ഇന്നലെ ഉച്ചകഴിഞ്ഞ് 3 മണിയോടെയാണ് വീടിന്റ മേല്‍കുര് പൂര്‍ണ്ണമായും തകര്‍ന്നുവീഴുകയായിരുന്നു. ഈ സമയം വീടിനുള്ളിലുണ്ടായിരുന്ന ദീപയുടെ തലയില്‍ മേല്‍ക്കൂര പതിച്ച് പരിക്കേല്‍ക്കുകയായിരുന്നു. വീടിന്റ തിണ്ണയിലുണ്ടായിരുന്നു വേണുവിന്റ പിതാവ് തങ്കപ്പന്‍ (70) അത്ഭുകരമായി രക്ഷപെട്ടു. മക്കളായ വീണ(19),വിധു(12) എന്നിവര്‍ ഈ സമയം വീട്ടിലില്ലായിരുന്നു. പുല്ലകയാറിന് തീരത്ത് മൂന്ന് സെന്റ് സ്ഥലത്ത് നാല്‍പതുവര്‍ഷം പഴക്കമുള്ള വീട്ടിലാണ് വേണുവും കുടുംബവും താമസിക്കുന്നത്. കാലപ്പഴക്കം ചെന്ന വീട് പുതുക്കിപ്പണിയുവാന്‍ പലതവണ പഞ്ചായത്ത് അംഗങ്ങളെ സമീപിച്ചെങ്കിലും ഇതുവരെ ഫലമെന്നുമുണ്ടായില്ലെന്ന് വീട്ടുകാര്‍ പറഞ്ഞു.