കോട്ടയം: പനച്ചിക്കാട് ദക്ഷിണമൂകാംബി ക്ഷേത്ര മൈതാനിയില് 18,19,20 തീയതികളില് ദക്ഷിണമൂകാംബി ഹിന്ദുമഹാ സംഗമം സംഘടിപ്പിക്കും. 18ന് വൈകിട്ട് 5ന് പരുത്തുംപാറ കവലയില്നിന്നും വിശിഷ്ട അതിഥികളെ സമ്മേളന നഗരിയിലേക്ക് സ്വീകരിച്ച് ആനയിക്കും. 6.30ന് യോഗക്ഷേമസഭ സംസ്ഥാന പ്രസിഡന്റ് അക്കീരമണ് കാളിദാസഭട്ടതിരിപ്പാട് ഹിന്ദുമഹാസംഗമം ഉദ്ഘാടനം ചെയ്യും. സ്വാഗതസംഘം ചെയര്മാന് കെ.എന്. നാരായണന് നമ്പൂതിരി അദ്ധ്യക്ഷത വഹിക്കും. ബ്രഹ്മചാരിണി നിഷ്ഠാമൃത ചൈതന്യ, സ്വാമി ധര്മ്മചൈതന്യനാന്ദ എന്നിവര് അനുഗ്രഹ പ്രഭാഷണം നടത്തും. കേരള ക്ഷേത്രസംരക്ഷണസമിതി, മാതൃസമിതി സംസ്ഥാന അദ്ധ്യക്ഷ പ്രൊഫ. വി.റ്റി. രമ മുഖ്യപ്രഭാഷണം നടത്തും. രണ്ടാം ദിവസമായ 19ന് രാവിലെ 7ന് നാമഘോഷാമൃതം, രാവിലെ 9ന് ആരംഭിക്കുന്ന വിദ്യാര്ത്ഥി സംഗമം ബാലഗോകുലം സംസ്ഥാനസമിതിയംഗം സി.സി. ശെല്വന് ഉദ്ഘാടനം ചെയ്യും. 10ന് തൃശൂര് കേരളന് നമ്പൂതിരിയുടെ മുഖ്യകാര്മ്മികത്വത്തില് വിദ്യാസാരസ്വതയജ്ഞം നടക്കും. വൈകിട്ട് 3ന് നടക്കുന്ന മാതൃസംഗമത്തില് ക്ഷേത്രഏകോപന സമിതി സംസ്ഥാന അദ്ധ്യക്ഷന് എം.പി. അപ്പു മുഖ്യപ്രഭാഷണം നടത്തും. രാത്രി 7ന് അഖണ്ഡഭാരതദര്ശനം ദൃശ്യാവിഷ്കാരം.
മൂന്നാം ദിവസമായ 20ന് രാവിലെ 7ന് ഭജന്സ്, 10ന് ചക്കുളത്തുകാവ് ഭഗവതിക്ഷേത്രം മുഖ്യകാര്യദര്ശ്ശി രാധാകൃഷ്ണന് നമ്പൂതിരിയുടെ മുഖ്യകാര്മ്മികത്വത്തില് മഹാസര്വ്വൈശ്വര്യപൂജ വൈകിട്ട് 3.30ന് യുവസംഗമം പ്രൊഫ. ഒ.എം. മാത്യു ഉദ്ഘാടനം ചെയ്യും. എന്. സോമശേഖരന് മുഖ്യപ്രഭാഷണം നടത്തും. വൈകിട്ട് 5.30ന് നാമഘോഷലഹരി, വൈകിട്ട് 6.30ന് നടക്കുന്ന സമാപനസമ്മേളനം ആറന്മുള കിടങ്ങന്നൂര് വിജയനന്ദാശ്രമത്തിലെ വിജയബോധാനന്ദ തീര്ത്ഥപാദസ്വാമികള് ഉദ്ഘാടനം ചെയ്യും. ആര്എസ്എസ് കോട്ടയം താലൂക്ക് സംഘചാലക് പി.ബി. ശ്യാമപ്രസാദ് അദ്ധ്യക്ഷത വഹിക്കും. ആര്എസ്എസ് അഖിലഭാരതീയ സഹപ്രചാര്പ്രമുഖ് ജെ. നന്ദകുമാര് മുഖ്യപ്രഭാഷണം നടത്തും.
