കോട്ടയം: എന്‍ഡിഎ സ്ഥാനാര്‍ത്ഥിയും ജനനായകനുമായ നോബിള് മാത്യുവിനെ അക്ഷരനഗരി സ്‌നേഹാദരങ്ങളോടെയാണ് എതിരേറ്റത്. ചൂടിനെ അവഗണിച്ചും നഗരത്തിലെ എല്ലാ സ്വീകരണയോഗങ്ങളിലും വന്‍ ജനപങ്കാളിത്തമാണ് അനുഭവപ്പെട്ടത്. ബിജെപി കോട്ടയം നിയോജകമണ്ഡലം പ്രസിഡന്റ് സി.എന്‍ സുഭാഷിന്റെ നേതൃത്വത്തില്‍ മണ്ഡലത്തിന്റെ വിവിധ പ്രദേശങ്ങളില്‍ എന്‍ഡിഎ സ്ഥാനാര്‍ത്ഥി അഡ്വ. നോബിള് മാത്യുവിന് ആവേശ്വോജ്വലമായ സ്വീകരണങ്ങള്‍ നല്‍കി.
യുവമോര്‍ച്ചയുടെ നേതൃത്വത്തില്‍ 151ഓളം ബൈക്കുകള്‍ റാലിയായി സ്ഥാനാര്‍ ത്ഥിയെ മണ്ഡലത്തിലുടനീളം അനുഗമിച്ചു. തുടര്‍ന്ന് നാട്ടകം പഞ്ചായത്ത് സൗത്ത് കമ്മറ്റി പ്രസിഡന്റ് ഷാജി തൈച്ചിറ, ജനറല്‍ സെക്രട്ടറി അരുണ്‍, മുനിസിപ്പല്‍ കൗണ്‍സിലര്‍മാരായ കെ.യു. രഘു, ജയ ടീച്ചര്‍ എന്നിവരുടെ നേതൃത്വത്തില്‍ സിമന്റ് കവല, അമ്പാടി കവല എന്നിവിടങ്ങളില്‍ ആവേശോജ്ജ്വലമായ സ്വീകരണങ്ങള്‍ നല്‍കി. ചിങ്ങവനം ചന്തക്കവലയില്‍ നടന്ന സ്വീകരണയോഗത്തില്‍ ടെസില്‍ സംരക്ഷണസമിതി ചെയര്‍മാന്‍ മാത്തുക്കുട്ടിയുടെ നേതൃത്വത്തില്‍ നൂറോളം തൊഴിലാളികള്‍, ചന്തക്കവലയിലെ ബിഎംഎസ് പ്രവര്‍ത്തകര്‍, ഓട്ടോ തൊഴിലാളികള്‍, വ്യാപാര സമിതി അംഗങ്ങള്‍ തുടങ്ങിയവരും ആവേശോജ്വലമായ സ്വീകരണങ്ങള്‍ നല്‍കി. തുടര്‍ന്ന് നന്ദി പ്രകാശനത്തില്‍ ടെസിലിന്റെ സര്‍ക്കാര്‍ വക സ്ഥലത്ത് ഐടി പാര്‍ക്ക് കൊണ്ടുവരാന്‍ എന്‍ഡിഎ സര്‍ക്കാരില്‍ സമ്മര്‍ദ്ദം ചെലുത്തുമെന്നും നോബിള് മാത്യു പറഞ്ഞു. തുര്‍ന്ന് പനച്ചിക്കാട് പഞ്ചായത്ത് പ്രസിഡന്റ് എസ്. രാധാകൃഷ്ണന്‍, ജനറല്‍ സെക്രട്ടറി വിജയനാഥ്, പഞ്ചായത്ത് മെമ്പര്‍മാരായ സുമ മുകുന്ദന്‍, ഡോ. ഇ.കെ. വിജയകുമാര്‍, ബിനു പുളിവേലിയ്‌ക്കല്‍ തുടങ്ങിയവരുടെ നേതൃത്വത്തില്‍ സ്ഥാനാര്‍ത്ഥിയെ സ്വീകരിച്ചു. പാറപ്പുറം പടിയറക്കാവ്, കോളാകുളം എന്നിവിടങ്ങളിലും സ്വീകരണങ്ങള്‍ ലഭിച്ചു. കോളാകുളത്ത് നിരവധി സ്ത്രീകള്‍ നോബിള്‍മാത്യുവിന്റെ തെരഞ്ഞെടുപ്പുചിഹ്നമായ ഓട്ടോറിക്ഷയില്‍ അനുഗമിച്ചു. റോഡുകളുടെ വികസനമില്ലായ്‌മയും കുടിവെള്ളമില്ലായ്‌മയും സ്ഥാനാര്‍ത്ഥിയെ ധരിപ്പിച്ചു. തുടര്‍ന്ന് പനച്ചിക്കാട് ക്ഷേത്രാങ്കണത്തില്‍ ആവേശോജ്വല സ്വീകരണം നല്‍കി. സായിപ്പുകവലയിലുള്ള ചര്‍ച്ച് ഓഫ് ഗോഡ്‌ന്റെ പ്രാര്‍ത്ഥന നടന്നുകൊണ്ടിരുന്ന ഹാളിലേക്ക് കടന്നുചെന്ന് അവരോട് നേരില്‍വോട്ട് അഭ്യര്‍ത്ഥിച്ചു. വിജയപുരം പഞ്ചായത്ത് പ്രസിഡന്റ് ടി.ആര്‍. സുഗുണന്‍, ജനറല്‍ സെക്രട്ടറി പ്രശാന്ത്, പഞ്ചായത്ത് മെമ്പര്‍മാരായ സതീദേവി തുടങ്ങിയവരുടെ നേതൃത്വത്തില്‍ സ്ഥാനാര്‍ത്ഥിയെ അനുഗമിച്ചു. മാങ്ങാനം കവല, താമരശേരി, വടവാതൂര്‍ എന്നിവിടങ്ങളില്‍ ഊഷ്മള സ്വീകരണം നല്‍കി. വടവാതൂരിലെ എംആര്‍എഫിലെ ബിഎംഎസ് തൊഴിലാളികള്‍ പടക്കം പൊട്ടിച്ചും മധുരം വിതരണം ചെയ്തും സ്ഥാനാര്‍ത്ഥിയെ സ്വീകരിച്ചു. വടവാതൂര്‍ ഡമ്പിംഗ് യാര്‍ഡ് സമരസമിതി പ്രവര്‍ത്തകര്‍ അധികൃതരുടെ കെടുകാര്യസ്ഥതയെപ്പറ്റി സ്ഥാനാര്‍ത്ഥിയെ ബോധിപ്പിച്ചു. തുടര്‍ന്ന് കൊശമറ്റം ശാന്തിഗ്രാം നിവാസികളും ആവേശോജ്ജ്വലമായ സ്വീകരണം നല്‍കി. കുമാരനല്ലൂര്‍ പഞ്ചായത്ത് പ്രസിഡന്റ് കെ.ആര്‍ ശശി, ജനറല്‍ സെക്രട്ടറി റിനോഫ്, മുനിസിപ്പല്‍ കൗണ്‍സിലര്‍മാരായ ഡി. ഹരിനാരായണന്‍, ജയശ്രീ പ്രസന്നന്‍ തുടങ്ങിയവരും അനുഗമിച്ചു. വായനശാല, പുത്തേട്ട്, ചുങ്കം എന്നിവിടങ്ങളിലും സ്വീകരണം ലഭിച്ചു. കുമാരനല്ലൂര്‍ മേല്‍പ്പാലത്തിന്റെ പണി വൈകുന്നതില്‍ സ്ഥലവാസികള്‍ സ്ഥാനാര്‍ത്ഥിയോട് പരാതി പറഞ്ഞു. എന്‍ഡിഎ സര്‍ക്കാരിന്റെ കാലത്ത് പണിപൂര്‍ത്തയാകുമെന്നും കേരളത്തില്‍ നിന്നുള്ള ബിജെപിയുടെ കേന്ദ്രമന്ത്രി ഉദ്ഘാടനം ചെയ്യുമെന്നും നോബിള് മാത്യു പറഞ്ഞു. സമാപന സമ്മേളനം ജില്ലാ വൈസ്പ്രസിഡന്റ്പി.ജി ബിജുകുമാര്‍ ഉദ്ഘാടനം ചെയ്തു. മണ്ഡലം പര്യടനം ബിനു ആര്‍. വാര്യര്‍, പി.ജെ ഹരികുമാര്‍, ടി.എന്‍ ഹരികുമാര്‍, കെ.പി ഭുവനേശ്, ഉണ്ണികൃഷ്ണന്‍, എം.എന്‍ അനില്‍കുമാര്‍, വി.പി മുകേഷ്, രണരാജന്‍, സാജന്‍, ആര്‍. സാനു, നാസര്‍ റാവുത്തര്‍, ഡി. ശശികുമാര്‍, രാജേഷ് ചെറിയമഠം, രമേശ് കാവിമറ്റം, കെ.എന്‍ സജീവ്, ടി.പി ഷാജി, ഓമനക്കുട്ടന്‍, കോര സി. ജോര്‍ജ്ജ്, സുജാത സജന്‍, രാഹുല്‍ തുടങ്ങിയവര്‍ സ്ഥാനാര്‍ത്ഥിയെ അനുഗമിച്ചു.
