റിഗാ, ലത്വിയ: ലത്വിയയിലെ ഒരു സൂപ്പര് മാര്ക്കറ്റില് സായാഹ്ന ഷോപ്പിംഗുകള് തകര്തിയായി നടക്കുന്നതിനിടെ മേല്ക്കൂര ഇടിഞ്ഞു വീണ് 21 പേര് മരണമടഞ്ഞു. സംഭവത്തില് 36 ഓളം പേര്ക്ക് പരിക്കേറ്റിട്ടുണ്ട്.
പരിക്കേറ്റവരില് പത്ത് അഗ്നിശമനസേനാംഗങ്ങള് ഉള്പ്പടെ 28 പേര് ആശുപത്രിയില് ചികിത്സയില് കഴിയുകയാണ്. മേല്ക്കൂര ഇടിഞ്ഞു വീഴാനുണ്ടായ കാരണം വ്യക്തമായിട്ടില്ല.
മേല്ക്കൂരയുടെ 500 ചതു. മീ വരുന്ന വലിയ പാളിയാണ് ഇടിഞ്ഞ് വീണ് അപകടമുണ്ടായതെന്നാണ് രക്ഷാപ്രവര്ത്തകര് കണക്കു കൂട്ടുന്നത്. സംഭവ സ്ഥലത്തെ രക്ഷാ പ്രവര്ത്തനങ്ങള് ഊര്ജ്ജിതമാക്കിയിട്ടുണ്ട്.
