കൊച്ചി: സ്വദേശി ശാസ്ത്ര പ്രസ്ഥാനം എറണാകുളം ജില്ലാ കമ്മറ്റിയുടെ ആഭിമുഖ്യത്തില് ‘പ്രത്യാശ’ അവയവദാന ബോധവല്ക്കരണ ക്യാമ്പയിന് സംഘടിപ്പിക്കുന്നു. എറണാകുളം സെന്റ് ആല്ബര്ട്ട്സ് കോളേജില് നടത്തുന്ന ഏകദിന സെമിനാറിന്റെ ഉദ്ഘാടനം രാവിലെ 10.30ന് ഡോ. കെ.മോഹന്ദാസ് നിര്വഹിക്കും. ചടങ്ങില് കൊച്ചൗസേപ്പ് ചിറ്റിലപ്പിള്ളി ഡോണര് കാര്ഡിന്റെ വിതരണം നിര്വഹിക്കും.
സമൂഹത്തെ അവയവദാനത്തിന്റെ ആവശ്യകതയെക്കുറിച്ച് ബോധവല്ക്കരിക്കുക, അതിന്റെ നടപടിക്രമങ്ങളും നിയമവശവും ജനങ്ങളിലെത്തിക്കുക, യുവാക്കളുടെയിടയില് ഇതിന് വ്യാപക പ്രചാരണമുണ്ടാക്കുക എന്നീ ലക്ഷ്യത്തോടെയാണ് സ്വദേശി ശാസ്ത്ര പ്രസ്ഥാനം, സൊസൈറ്റി ഫോര് ഓര്ഗന് റിട്രീവല് ആന്റ് ട്രാന്സ്പ്ലാന്റേഷനും സെന്റ് ആല്ബര്ട്ട്സ് കോളേജുമായി സഹകരിച്ച് പരിപാടി സംഘടിപ്പിക്കുന്നത്. അവയവദാനത്തിന് സന്നദ്ധരായവര്ക്കും അതിന്റെ നടപടിക്രമങ്ങളെക്കുറിച്ച് അറിയേണ്ടവര്ക്കും പരിപാടിയില് പങ്കെടുക്കുകയും സമ്മതപത്രം നല്കുകയും ചെയ്യാം. ഫോണ്: 9447250634.
