കുളത്തൂര്‍മൂഴി സി.എന്‍. ദാമോദരന്‍ നായര്‍ ശതാഭിഷേക സമ്മേളനം

കറുകച്ചാല്‍: കേരളത്തിലെ ആനവൈദ്യന്‍ തിരുവിതാംകൂര്‍ ദേവസ്വം ബോര്‍ഡിലെ പ്രഗത്ഭനായ ആന വിദഗ്‌ദ്ധന്‍, കുളത്തൂര്‍മൂഴി ഹിന്ദുമത കണ്‍വണ്‍ഷന്റെ പ്രോദ്ഘാടകരില്‍ മുന്‍പന്‍ എന്‍.എസ്.എസ്. കരയോഗം പ്രസിഡന്റ് സാമൂഹ്യരാഷ്‌ട്രീയ രംഗങ്ങളില്‍ മാറ്റി നിര്‍ത്താനാവാത്ത വ്യക്തിത്വം എന്നീ നിലകളിലെല്ലാം ശ്രദ്ധയനാണ് കുളത്തൂര്‍മൂഴി സി.എന്‍. ദാമോദരന്‍ നായര്‍ കുളത്തൂര്‍മൂഴി ഹിന്ദുമത കണ്‍വന്‍ഷന്‍ ഭാരവാഹികള്‍ എന്‍.എസ്.എസ്. കരയോഗഭാരവാഹികള്‍, നാട്ടുകാര്‍, ബന്ധുക്കള്‍, എന്നിവരുടെ സംയുക്ത സഹകരണത്തോടെയാണ് സി.എന്‍.ദാമോദരന്‍നായരുടെ ശതാഭിഷേകം നടത്തുന്നത്. 5 മുതല്‍ 13 വരെ നീണ്ടുനില്‍ക്കുന്ന പരിപാടികളാണ് സംഘടിപ്പിച്ചിരിക്കുന്നത്. 5 ന് കുളത്തൂര്‍മൂഴിയിലെ വസതിയില്‍ ശ്രീമദ് ഭാഗവതസപ്താഹയജ്ഞം ആരംഭിച്ചു. മധുവാര്യര്‍ യജ്ഞാചാര്യന്‍ ആയിരിക്കും. ഡോ. രാമചന്ദ്രന്‍നായര്‍ തുറവൂര്‍ വാസുദേവശര്‍മ്മ സഹആചാര്യന്മാര്‍ ആയിരിക്കും. 13 നു രാവിലെ 6 മുതല്‍ ശതാഭിഷേകപൂജകള്‍ ഡോ. ശ്രീനാഥ്ജി (കോഴിക്കോട്) ആചാര്യനായിരിക്കും. രാവിലെ 10 മുതല്‍ കുളത്തൂര്‍മൂഴി ദേവിക്ഷേത്രഓഡിറ്റോറിയത്തില്‍ സത്സംഗമം 12.30 മുതല്‍ 2 വരെ സ്‌നേഹവിരുന്ന് 2.30 മുതല്‍ ജ്ഞാനപ്പാന, വൈകുന്നേരം 3 മുതല്‍ നടക്കുന്ന പൊതുസമ്മേളനം ആഭ്യന്തരവകുപ്പു തിരുവഞ്ചൂര്‍ രാധാകൃഷ്ണന്‍ ഉദ്ഘാടനം ചെയ്യും. ഡോ.എന്‍.ജയരാജ് എം.എല്‍.എ അദ്ധ്യക്ഷത വഹിക്കുന്ന യോഗത്തില്‍ തിരുവിതാംകുര്‍ ദേവസ്വം ബോര്‍ഡ് പ്രസിഡന്റ് എം.പി.ഗോവിന്ദനായര്‍ പൊന്നാട അണിയിക്കും. കുമ്മനം രാജശേഖരന്‍ അനുഗ്രഹപ്രഭാഷണം നടത്തും. എന്‍.എസ്.എസ് യൂണിയന്‍ പ്രസിഡന്റ് ഹരികുമാര്‍ കോയിക്കല്‍ ഉപഹാരസമര്‍പ്പണം നടത്തും. പ്രൊഫ. നെടുംകുന്നം രഘുദേവ് മംഗളപത്രസമര്‍പ്പണം നടത്തു. ജി. രാമന്‍നായര്‍, അഡ്വ. കൃഷ്ണപ്രസാദ്, വി.ആര്‍,. ബാബുരാജ്, അഡ്വ.ജയവര്‍മ്മ മോന്‍ജോസഫ്, ശോശാമ്മ തോമസ്, കെ.ഇ.അബ്ദുള്‍റഹ്മാന്‍ മോഹന്‍.കെ.നായര്‍, റ്റി.കെ.പുരുഷോത്തമന്‍നായര്‍, അഡ്വ. അജീഷ്, നളിനമ്മടീച്ചര്‍, സി.എന്‍. ഗോപിക്കുട്ടന്‍, ബിന്ദു ചന്ദ്രമോഹന്‍, എന്നിവര്‍ ആശംസാപ്രസംഗം നടത്തും. സി.എന്‍. ദാമോദരന്‍നായര്‍ മറുപടി പ്രസംഗം നടത്തും. കെ.പി.ഗോപിദാസ് സ്വാഗതവും വാസുക്കുട്ടന്‍ നായര്‍ കൃതജ്ഞതയും പറയും.