കാസര്കോട്: പൂച്ചക്കാട്ടും പരിസരപ്രദേശങ്ങളിലും വര്ഗീയ സംഘര്ഷത്തിന് മതതീവ്രവാദ സംഘങ്ങളുടെ ആസൂത്രിത നീക്കം. പൂച്ചക്കാട് രാംനഗറിലെ വാഴകള് വ്യാപകമായി വെട്ടി നശിപ്പിക്കുകയും ക്ഷേത്രത്തിണ്റ്റെ ഫ്ളക്സ് ബോര്ഡുകള് കീറി നശിപ്പിക്കുകയും ചെയ്തു. പ്രദേശത്ത് ഭൂരിപക്ഷ സമുദായത്തിലെ സ്ത്രീകള് ഉള്പ്പെടെയുള്ളവരെ കഴിഞ്ഞ കുറേ നാളുകളായി ഒരു സംഘമാളുകള് അധിക്ഷേപിക്കുകയും അസഭ്യം പറയുകയും ചെയ്ത് വരുന്നുണ്ട്. വിഷ്ണുക്ഷേത്രത്തിനുനേരെ നിരന്തരം അതിക്രമമുണ്ടാക്കി പ്രകോപനം സൃഷ്ടിക്കുന്നു. അടുത്തിടെ ഭണ്ഡാരത്തില് പൂഴിവാരി നിറയ്ക്കുകയും കുറി നശിപ്പിക്കുകയും ചെയ്തിരുന്നു. പടിപ്പുരയിലെ വാള് എടുത്തുകൊണ്ടുപോയ സംഭവവും ഉണ്ടായി. കഴിഞ്ഞയാഴ്ച എല്ലാംബിക ക്ഷേത്ര കമാനം മതതീവ്രവാദ സംഘം നശിപ്പിച്ചിരുന്നു. പൂച്ചക്കാട് ക്ഷേത്രത്തിണ്റ്റെ കമാനം പൊളിക്കാനുള്ള നീക്കവും നടക്കുന്നുണ്ട്. തൊട്ടടുത്ത പ്രദേശമായ തൊട്ടിയില് സംഘര്ഷം പതിവാകുന്നു. ചേറ്റുകുണ്ട് നരേന്ദ്രമോദിക്ക് അഭിവാദ്യമര്പ്പിച്ച് സ്ഥാപിച്ച ഫ്ളക്സ് ബോര്ഡും നശിപ്പിച്ചു. പ്രകോപനം തുടരുന്നതിനിടെ ഇന്നലെ രാത്രി അക്രമം അരങ്ങേറിയത് സംഘര്ഷം ലക്ഷ്യമിട്ടാണെന്നാണ് സൂചന. മതതീവ്രവാദ സംഘടനയില് പ്രവര്ത്തിക്കുന്ന ഒരു സംഘം ആളുകളാണ് അക്രമത്തിനുപിന്നില്. വാള് ഉപയോഗിച്ച് വെട്ടിയ നിലയിലാണ് വാഴകള്. വാഴക്കുലകള് റോഡില് മുഴുവന് കഷണങ്ങളാക്കിയിരിക്കുന്നു. പൂച്ചക്കാട് ഇറങ്ങുന്നവരെ വര്ഗീയമായി ആക്ഷേപിക്കുന്നതും വര്ദ്ധിച്ചിട്ടുണ്ട്. ബസ്സ്റ്റാണ്റ്റ് സാമൂഹ്യ വിരുദ്ധരുടെ താവളമായി മാറി. ജില്ലാ കാര്യവാഹ് എ.വേലായുധന്, വലവാസിവികാസ കേന്ദ്രം ജില്ലാ സംഘടനാ സെക്രട്ടറി കൃഷ്ണന് ഏച്ചിക്കാനം എന്നിവര് സ്ഥലം സന്ദര്ശിച്ചു.
പൂച്ചക്കാട് വര്ഗീയ സംഘര്ഷത്തിന് മതതീവ്രവാദികളുടെ നീക്കം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.