ന്യൂയോര്ക്ക്: ലോക പ്രശസ്ത റോക്ക് ഗായകന് ലൂ റീഡ് അന്തരിച്ചു. പുതുതലമുറയെ റോക്ക് സംഗീത രംഗത്തേക്ക് ആകര്ഷിച്ച പ്രതിഭയായിരുന്നു ലൂറീഡ്.
വളരെ കാലമായി കരള് സംബന്ധമായ രോഗത്തെ തുടര്ന്ന് ചികിത്സയിലായിരുന്നു. ന്യൂയോര്ക്കിലെ ലോങ് ഐലന്റിലുള്ള വസതിയിലായിരുന്നു അന്ത്യം. മരിക്കുമ്പോള് എഴുപത്തൊന്ന് വയസ്സായിരുന്നു ലൂ റീഡിന്.
2008 ല് സംഗീതജ്ഞയായ ലൗറി ആണ്ട്രിസണ്ണിനെ അദ്ദേഹം വധുവായി സ്വീകരിച്ചു. പെര്ഫക്ട് ഡേ, വാക്ക് ഓണ് ദി വൈല്ഡ് സൈഡ് എന്നിവയായിരുന്നു ലൂറീഡിന്റെ പ്രശസ്തമായ ഗാനങ്ങള്. നിരവധി ഗാനങ്ങള് സ്വന്തമായി എഴുതിയിട്ടുളള റീഡ് 60-70 കാലഘട്ടത്തില് യുവാക്കളുടെ ഹരമായിരുന്നു. വെല്വെറ്റ് അണ്ടര്ഗ്രൗണ്ട് എന്ന റോക്ക്ബാന്ഡ് ട്രൂപ്പിലെ ഗായകനായിരുന്നു.
