പമ്പാവാലി: കനത്ത കാറ്റും മഴയും മൂലം വന് മരം കടപുഴകി വീണ് വീടുതകര്ന്ന ആദിവാസി കുടുംബം പെരുവഴിയില്. എരുമേലി പഞ്ചായത്തിലെ എരുത്വാപ്പുഴ മലവേടര് കോളനിയിലെ ശാന്തയില് സാബുവിന്റെ വീടിനുമേലാണ് മരം വീണത്. വീട് പൂര്ണമായും തകര്ന്നു.
സാബുവും കുടുംബവും ആഹാരം കഴിച്ചുകൊണ്ടിരിക്കുമ്പോഴായിരുന്നു സംഭവം. മരം ഒടിഞ്ഞുവീഴുന്ന ശബ്ദം കേട്ട് വീട്ടില് നിന്നും ഇറങ്ങി ഓടിമാറിയതിനാല് ഇവര്ക്ക് അപകടമുണ്ടായില്ല. ഗ്രാമപഞ്ചായത്തിന്റെ സഹായമുപയോഗിച്ച് നിര്മ്മിച്ചതാണ് വീട്. വിട് തകര്ന്നതോടെ രണ്ടു കുട്ടികളടങ്ങുന്ന ഈ കുടുംബം താമസിക്കാന് മറ്റ് സൗകര്യങ്ങളില്ലാതെ പെരുവഴിയിലായിരിക്കുകയാണ്.
മരം വീണ് വീട് തകര്ന്ന് സ്ഥലവും സാബുവിന്റെ കുടുംബത്തെയും പഞ്ചായത്തംഗം പി.കെ.ശാന്തകുമാരി സന്ദര്ശിച്ചു. കോളനി മേഖലയില് നിരവധി പേരുടെ കയ്യാലകളും ചെറുകിട കൃഷികളും തകര്ന്നുവെന്നും അംഗം പറഞ്ഞു.
