കോട്ടയം: അഴിമതി ആരോപണത്തില്പ്പെട്ട മുഖമന്ത്രി രാജി വയ്ക്കണമെന്ന് ആവശ്യപ്പെട്ട് നിയമസഭാമാര്ച്ച് നടത്തിയ യുവമോര്ച്ച പ്രവര്ത്തകരെ ക്രൂരമായി മര്ദ്ദിച്ച പൊലീസ് നടപടിയില് പ്രതിഷേധിച്ച് യുവമോര്ച്ച ഇന്നലെ മുഖ്യമന്ത്രിയുടെ കോലം കത്തിച്ചു. തിരുനക്കരയില് നിന്നും ആരംഭിച്ച പ്രതിഷേധമാര്ച്ച് ഗാന്ധിസ്ക്വയറില് സമാപിച്ചു. തുടര്ന്ന് മുഖ്യമന്ത്രിയുടെ കോലം കത്തിച്ചു. പ്രതിഷേധയോഗം യുവമോര്ച്ച സംസ്ഥാന സെക്രട്ടറി എന്.ഹരി ഉദ്ഘാടനം ചെയ്തു. സാധാരണക്കാരുടെ പ്രശ്നം തീര്ക്കാന് സമയം കണ്ടെത്താത്ത മുഖ്യമന്ത്രി നാട്ടിലെ പെണ്ണുകേസു തീര്ക്കാന് നടക്കുകയാണെന്ന് യോഗം ഉദ്ഘാടനം ചെയ്ത് എന്.ഹരി പറഞ്ഞു. യുവമോര്ച്ച ജില്ലാ ജനറല് സെക്രട്ടറി എസ്.രതീഷ് അദ്ധ്യക്ഷത വഹിച്ച യോഗത്തില് ബിജെപി കോട്ടയം നിയോജകമണ്ഡലം ജനറല് സെക്രട്ടറിമാരായ പി.ജെ.ഹരികുമാര്, ബിനു ആര്.വാര്യര്, നേതാക്കളായ അനീഷ് കല്ലില്, രാജീവ്, എം.എന്.അനില്കുമാര്, ഗോപന്, കെ.എസ്, എന്.എസ്.രമേശ്, നിഖില് കൊല്ലാട് എന്നിവര് സംസാരിച്ചു.
ചങ്ങനാശ്ശേരിയില് നടന്ന പ്രതിഷേധ യോഗത്തില് മനീഷ്, രതീഷ്, പുതുപ്പള്ളിയില് പ്രതിഷേധ യോഗത്തില് അഖില് രവീന്ദ്രന്, രാഹുല്, കടുത്തുരുത്തിയില് പ്രതിഷേധ യോഗത്തില് ലിജിന് ലാല്, ടി.എ. ഹരികൃഷ്ണന്, ടി.പി. ജയപ്രകാശ്, ഗിരീഷ്, രാജേഷ്, പ്രസാദ്, അനില് എന്നിവര് സംസാരിച്ചു.
