പെരുമ്പാവൂര്‍: ഹിന്ദു ഐക്യവേദി പാലക്കാട്ട്താഴം സ്ഥാനീയ സമിതിയുടെ നേതൃത്വത്തില്‍ ധര്‍മ്മരക്ഷാ സമ്മേളനം ഇന്ന്‌ വൈകിട്ട്‌ നാലിന്‌ പാലക്കാട്ടുതാഴം ശ്രീദുര്‍ഗ്ഗാ ക്ഷേത്രസന്നിധിയില്‍ നടക്കും. വടക്കെ വാഴക്കുളം എന്‍എസ്‌എസ്‌ കരയോഗം സെക്രട്ടറി അഡ്വ. സി. ഗിരീഷ്കുമാര്‍ അധ്യക്ഷത വഹിക്കുന്ന സമ്മേളനം ആലുവ അദ്വൈതാശ്രമം സെക്രട്ടറി ശിവസ്വരൂപാനന്ദസ്വാമികള്‍ ഉദ്ഘാടനം ചെയ്യും. എസ്‌എസ്‌എല്‍സി, പ്ലസ്‌ ടു പരീക്ഷകളില്‍ ഉന്നത വിജയം കരസ്ഥമാക്കിയ വിദ്യാര്‍ത്ഥികളെ വേദിയില്‍ അനുമോദിക്കും. ഹിന്ദു ഐക്യവേദി സംസ്ഥാന അധ്യക്ഷ കെ.പി. ശശികലടീച്ചര്‍ മുഖ്യപ്രഭാഷണം നടത്തും.
എസ്‌എന്‍ഡിപി യോഗം മുടിക്കല്‍ ശാഖ പ്രസിഡന്റ് ഇ.പി. ലാലു, വിശ്വകര്‍മ്മസഭ ശാഖാ ഭാരവാഹി എസ്‌.വി. വിജയന്‍, കെഎസ്‌എസ്‌ മാവിന്‍ചുവട്‌ ശാഖാ ഭാരവാഹി എ.സി. കുഞ്ഞപ്പന്‍, രചന ഗ്രാമസേവാസമിതി സെക്രട്ടറി എ.വി. കലേശന്‍, ക്ഷേത്രസംരക്ഷണസമിതി യൂണിറ്റ്‌ ഭാരവാഹി പി.ഇ. വിജയന്‍, വാഴയില്‍ ക്ഷേത്ര ട്രസ്റ്റ്‌ പ്രസിഡന്റ് വി.എസ്‌. അനില്‍കുമാര്‍, സ്ഥാനീയസമിതി ഭാരവാഹികളായ യു.പി. മനോഹരന്‍, പി.ടി. സുബ്രഹ്മണ്യന്‍, വി.ടി. ശ്രീരാജ്‌, ഷാജി വാഴയില്‍ തുടങ്ങിയവര്‍ പ്രസംഗിക്കും.
