കിഴക്കമ്പലം: കിഴക്കമ്പലം-പെരുമ്പാവൂര് റൂട്ടില് വിലങ്ങ് താഴത്തേപ്പീടികയില് ബസ്സും ടിപ്പര് ലോറിയും കൂട്ടിമുട്ടി ബസ് ഡ്രൈവറും യാത്രക്കാരും ഉള്പ്പെടെ ഒമ്പത് പേര്ക്ക് പരിക്ക്. ഇവരെ പഴങ്ങനാട് ആശുപത്രിയില് പ്രവേശിപ്പിച്ചു. മുറിവിലങ്ങ് ഭാഗത്തുനിന്നും ആലുവയ്ക്ക് പോവുകയായിരുന്ന സെന്റ്ജോസഫ് ബസ്സും കിഴക്കമ്പലം ഭാഗത്തുനിന്ന് ചേലക്കുളം ഭാഗത്തേക്ക് പോവുകയായിരുന്ന ടിപ്പര് ലോറിയുമാണ് കൂട്ടിയിടിച്ചത്. ഇടിയുടെ ആഘാതത്തില് ബസ് അടുത്തുള്ള കടയിലേക്ക് പാഞ്ഞുകയറി. അവിടെ പാര്ക്ക് ചെയ്തിരുന്ന സൈക്കിളും ബൈക്കും തകര്ത്തു. ടിപ്പര് വൈദ്യുതി പോസ്റ്റില് ഇടിച്ച് നിന്നു. ഒരുമാസം മുമ്പ് ഇതേ സ്ഥാനത്ത് ടിപ്പറുകള് കൂട്ടിമുട്ടി ഹോളോബ്രിക്സ് കമ്പനി തൊഴിലാളികള് താമസിക്കുന്ന കെട്ടിടത്തിലേക്ക് പാഞ്ഞുകയറി അപകടം സംഭവിച്ചിരുന്നു.
ബസ്സും ടിപ്പറും കൂട്ടിയിടിച്ച് ഒമ്പത് പേര്ക്ക് പരിക്ക്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.