കറുകച്ചാല്: വെള്ളാവൂര് ഗ്രാമപഞ്ചായത്തിന്റെ 12-ാം വാര്ഡില് പ്രവര്ത്തിക്കുന്ന ജി.കെ. ഗ്രാനൈറ്റ്സ് നിര്ത്തി വയ്ക്കണമെന്നു ഹൈക്കോടതി ഉത്തരവുണ്ടായിട്ടും പ്രവര്ത്തനം തുടരുന്നതിനെതിരെ പഞ്ചായത്തധികൃതര് നടപടി സ്വീകരിക്കുന്നില്ലെന്നാണ് സമരസമിതി പറയുന്നത്. പ്രശ്നത്തിനു പരിഹാരം കാണണമെന്നാവശ്യപ്പെട്ട് പഞ്ചായത്ത് വൈസ് പ്രസിഡന്റ് സുമ ഷിബുലാല് പഞ്ചായത്തു പ്രസിഡന്റിനും സെക്രട്ടറിക്കും പരാതി നല്കിയിരുന്നു. പാറമടയുടെ പ്രവര്ത്തനം നിര്ത്തലാക്കാന് പഞ്ചായത്ത് മുമ്പു എടുത്ത തീരുമാനത്തെ ട്രൈബ്യൂണല് കോടതി ശരി വയ്ക്കുകയും സ്റ്റേ വാങ്ങുകയും ചെയ്തിരുന്നു. എന്നാല് തുടര്ന്നു പ്രവര്ത്തിക്കാനുള്ള രേഖകള് കമ്പനിയുടെ പക്കല് ഇല്ലെന്നും അതിനാല് എത്രയും വേഗം നിയമപരമായ തീരുമാനം എടുക്കേണ്ടതുമാണ്. എന്നാല് ക്വാറി ഉടമകളെ സഹായിക്കുന്ന രീതിയിലുള്ള തീരുമാനമായിട്ടാണ് പഞ്ചായത്തു സെക്രട്ടറി മുന്നോട്ടു പോകുന്നതെന്ന് ആരോപണവും ഉണ്ട്. പഞ്ചായത്തിന്റെ നിരുത്തരവാദപരമായ നടപടിക്കെതിരെ പഞ്ചായത്തുപടിക്കല് പ്രദേശവാസികളെ സംഘടിപ്പിച്ച് പഞ്ചായത്തുപടിക്കല് നിരാഹാരസമരം ആരംഭിക്കുമെന്നാണ് വൈസ് പ്രസിഡന്റ് സുമ ഷിബുലാല് പഞ്ചായത്തു പ്രസിഡന്റിനും സെക്രട്ടറിക്കും നല്കിയ പരാതിയില് അറിയിച്ചിട്ടുണ്ട്.
കരിങ്കല് ക്വാറിക്കെതിരെ നാട്ടുകാര് നിരാഹാര സമരത്തിലേക്ക്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.