കെ.വി. ഹരിദാസ്
കോട്ടയം: നിശബ്ദതയിലും വര്ണ്ണപുഷ്പങ്ങള് വിരിയിച്ച് തിരുവല്ല കുന്നന്താനം സ്വദേശി ജയസിമോള് ശ്രദ്ധേയമാകുന്നു. ബധിരയും മൂകയുമായ ജയസിമോള് നാലുവര്ഷമായി ചിത്രരചനയില് സജീവമാണ്. വ്യത്യസ്തതയാര്ന്ന നിറങ്ങളില് പ്രപഞ്ചത്തിന്റെ വിഭിന്ന ഭാവങ്ങളെ വരയിലൂടെ ആസ്വാദകരില് എത്തിക്കുന്ന ഈ കലാകാരി ആധുനിക രചനാ സങ്കേതങ്ങളെ സമഞ്ജസമായി സമന്വയിപ്പിക്കുന്നു. പാരമ്പര്യത്തിന്റെ രചന സങ്കല്പ്പങ്ങള്ക്ക് കോട്ടംതട്ടാതെ പുത്തന് പരീക്ഷണങ്ങളിലൂടെ ചിത്രരചനാ ലോകത്ത് വേറിട്ടുനില്ക്കാന് ശ്രമിക്കുകയാണ് ജയ്സിമോള്.
തിരുവനന്തപുരത്തുനിന്നും ചിത്രരചനാ പഠനം പൂര്ത്തിയാക്കിയ ജയ്സിമോള്ക്ക് ജലഛായ ചിത്രങ്ങളോടാണ് ഏറെ പ്രിയം. ബധിരനും മൂകനുമായ ജോസിന് പി. ജോയ് സഹോദരനാണ്. അച്ഛന് ജോയി റിട്ടേര്ഡ് പോലീസ് ഉദ്യോഗസ്ഥനാണ്. അമ്മ വനജ.
വര്ണ്ണങ്ങളുടെ ലോകത്ത് മതിമറന്ന്പോകുന്ന ഈ കലാകാരിക്ക് പ്രപഞ്ചത്തെനോക്കി സംവദിക്കുകയാണ്.
