പൊന്കുന്നം: ആറന്മുള വിമാനത്താവള പദ്ധതി നടപ്പാക്കുന്നതിലൂടെ പാരമ്പര്യത്തിനും സംസ്കാരത്തിനുമെതിരെ സര്ക്കാര് വെല്ലുവിളി നടത്തുകയാണെന്ന് ഹിന്ദു ഐക്യവേദി സംസ്ഥാന വര്ക്കിംഗ് പ്രസിഡന്റ് കെ.എന്.രവീന്ദ്രനാഥ് അഭിപ്രായപ്പെട്ടു. ആറന്മുള പൈതൃക ഗ്രാമ സംരക്ഷണ സമരത്തിന്റെ പ്രചാരണാര്ത്ഥം ഹിന്ദു ഐക്യവേദി കോട്ടയം ജില്ലാ സമിതിയുടെ ആഭിമുഖ്യത്തില് നടത്തുന്ന പരിസ്ഥിതി സംരക്ഷണ ജാഥ മണിമലയില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഹിന്ദു ഐക്യവേദി ജില്ലാ വര്ക്കിംഗ് പ്രസിഡന്റ് തമ്പി പട്ടശ്ശേരി ജാഥ നയിച്ചു. ആലപ്ര, പൊന്തന്പുഴ, മുക്കട, ശ്രീനിപുരം, എരുമേലി, മുണ്ടക്കയം, കാഞ്ഞിരപ്പള്ളി തുടങ്ങിയ സ്ഥലങ്ങളില് ജാഥ പ്രചാരണം നടത്തി. വൈകുന്നേരം പൊന്കുന്നത്ത് സമാപിച്ച ജാഥ സംസ്ഥാന സെക്രട്ടറി എം.വി.ഉണ്ണികൃഷ്ണന് ഉദ്ഘാടനം ചെയ്തു. ജാഥാ ക്യാപ്റ്റന് തമ്പി പട്ടശേരി, പൂഴിമേല് രണരാജന്, എ.സി.പൊന്നപ്പന്പിള്ള, കണ്ണന് ചോറ്റി, ഡി.സന്തോഷ്, ഇ.എന്.ഗോപാലനാഥന് തുടങ്ങിയവര് സംസാരിച്ചു.
പാരമ്പര്യത്തിനും സംസ്കാരത്തിനുമെതിരെ സര്ക്കാര് ഭീഷണി മുഴക്കുന്നു: ഹിന്ദു ഐക്യവേദി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.