മുണ്ടക്കയം: ഐക്യ മലഅരയ മഹാസഭയുടെ എട്ടാമത് സംസ്ഥാന വാര്ഷികസമ്മേളനം 10, 11 തിയതികളില് മുണ്ടക്കയത്ത് നടക്കും. 10ന് പ്രതിനിധി സമ്മേളനവും 11ന് വാര്ഷികസമ്മേളനവും നടക്കുമെന്ന് ഭാരവാഹികള് പത്രസമ്മേളനത്തില് പറഞ്ഞു.
സംസ്ഥാനത്തിന്റെ വിവിധ ഭാഗങ്ങളില് നിന്നായി ആയിരത്തില് പരം പ്രവര്ത്തകര് സമ്മേളനത്തില് പങ്കെടുക്കും. സഭാ പ്രസിഡന്റ് കെ.ആര്.ഭാസിയുടെ അദ്ദ്യക്ഷതയില് 11ന് വൈഎംസിഎ ഹാളില് ചേരുന്ന വാര്ഷിക സമ്മേളനം ചീഫ് വിപ്പ് പി.സി.ജോര്ജ് ഉദ്ഘാടനം ചെയ്യും. ജനറല് സെക്രട്ടറി പി.കെ.സജീവ് മുഖ്യപ്രഭാഷണം നടത്തും. ഷൈലജ നാരായണന് എഴുതിയ മല അരയരുടെ അനുഷ്ഠാനങ്ങള് എന്ന പുസ്തകം പ്രശസ്ത ഗോത്രസാഹിത്യകാരന് നാരായന് പ്രകാശനം ചെയ്യും. കോട്ടയം മെഡിക്കല് കോളേജ് കുട്ടികളുടെ ആശുപത്രി സൂപ്രണ്ട് ഡോ.സവിത ഹരിദാസ് ആദ്യ കോപ്പി ഏറ്റുവാങ്ങും. കോളേജിയേറ്റ് എജ്യൂക്കേഷന് റിട്ട.ഡെപ്യൂട്ടി ഡയറക്ടര് പ്രൊഫ.എം.എസ്.വിശ്വംഭരന് പുസ്തക പരിചയം നടത്തും. മികച്ച സാമൂഹിക പ്രവര്ത്തകനും വയനാട് ആദിവാസി ഫെഡറേഷന് ജനറല് സെക്രട്ടറിയുമായ ബാലന് പൂതാടിക്ക് സഭയുടെ പേരിലുള്ള അവാര്ഡ് നല്കും.
ഉച്ചകഴിഞ്ഞ് നടക്കുന്ന സാംസ്കാരിക സമ്മേളനം കെപിഎംഎസ് സംസ്ഥാന ട്രഷറര് തുറവൂര് സുരേഷ് ഉദ്ഘാടനം ചെയ്യും. എന്എഎഫ് ദേശീയ പ്രസിഡന്റ് പി.കെ.ഭാസ്കരന് അദ്ധ്യക്ഷത വഹിക്കും. ഡോ.ഹരിദാസ് പുളിക്കല് കുടുംബക്ഷേമനിധി വിതരണവും സുരേഷ് കൊട്ടാരം സമുദായ ക്ഷേമനിധി അവലോകവും നടത്തും. സമ്മേളനത്തില് സി.ആര്.ദിലീപ് കുമാര്, കെ.ഡി.വാസുദേവന് മൂന്നാര് ഡെപ്യൂട്ടി തഹസീല്ദാര് കെ.കെ.വിജയന് സി.എന്.മധുസൂദനന്, കെ.എന്.പത്മനാഭന്(ജനറല് സെക്രട്ടറി ശ്രീ അയപ്പ് ധര്മ്മ സംഘം), ലൈല ഭാസ്കരന്(ജനറല് സെക്രട്ടറി മല അരയ വനിതാ സംഘം), രാഹുല് പി.രാജ്(ജനറല് സെക്രട്ടറി മല അരയ യുവജന സംഘടന) പി.ടി.രാജപ്പന്(ട്രഷറര് എഎംഎഎംഎസ്) എം.കെ.നാരായണന്, എം.എം.രാഘവന്(സെക്രട്ടറി എഎംഎഎംഎസ്) ഇ.വി.കമലാക്ഷി, പ്രസിഡന്റ് മല അരയ വനിതാ സംഘടന എന്നിവര് പ്രസംഗിക്കും. സമ്മേളനത്തോടനുബന്ധിച്ച് കോസടി പൈതൃക കലാകേന്ദ്രം അവതരിപ്പിക്കുന്ന ഐവര്കളി, കോല്കളി എന്നിവയും നടക്കും.പത്രസമ്മേളനത്തില് സഭാ ട്രഷറര് പി.ടി.രാജപ്പന്, യുവജനസംഘടനാ നേതാക്കളായ സി.പി.രാജശേഖരന്, കെ.എം.ഗംഗാധരന്, പി.ജി.ബൈജു, കെ.ആര്.വിശ്വംഭരന് എന്നിവര് പങ്കെടുത്തു.
