കാസര്കോട്: നിരപരാധികളെ കള്ളക്കേസില് കുടുക്കി പീഡിപ്പിക്കുന്ന ആദൂറ് സിഐ സതീഷ്കുമാറിനെതിരെ വകുപ്പുതല അന്വേഷണം നടത്തണമെന്നും നടപടി സ്വീകരിക്കണമെന്നും യുവമോര്ച്ച ആവശ്യപ്പെട്ടു. ഭൂരിപക്ഷ സമുദായത്തിലുള്പ്പെട്ടവരെ ദ്രോഹിക്കുന്നത് സിഐ പതിവാക്കിയിരിക്കുകയാണ്. കഴിഞ്ഞ ദിവസം പുത്തൂരിലെ അധ്യാപികയായ ഹരിണാക്ഷിയും ഭര്ത്താവ് ലംബോധരനും സിഐയുടെ മനുഷ്യത്വവിരുദ്ധമായ നടപടികള് പത്രസമ്മേളനം നടത്തി വിവരിച്ചിരുന്നു. നിയമപാലനം നടത്തേണ്ട സിഐ അധികാര ദുര്വിനിയോഗം നടത്തി സാധാരണക്കാര്ക്കുനേരെ നിയമലംഘനം നടത്തുകയാണ്. ഇത്തരത്തിലുള്ള പോലീസുദ്യോഗസ്ഥനെ ചുമക്കേണ്ട ബാധ്യത സമൂഹത്തിനില്ല. സാധാരണക്കാരുടെ നേരെ അധികാരത്തിണ്റ്റെ ബലത്തില് അതിക്രമം നടത്തുന്ന സിഐ മണല്മാഫിയകളേയും കോഴിമാഫിയകളുടേയും നിയമലംഘനത്തിന് കൂട്ടുനില്ക്കുകയാണ്. സതീഷ്കുമാറിനെതിരെ നടപടി സ്വീകരിച്ചില്ലെങ്കില് ശക്തമായ പ്രതിഷേധം നേരിടേണ്ടി വരുമെന്ന് യുവമോര്ച്ച ജില്ലാ സെക്രട്ടറി പി.ആര് സുനില് പറഞ്ഞു.
ആദൂറ് സിഐക്കെതിരെ നടപടിയെടുക്കണം: യുവമോര്ച്ച
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.