പാറമ്പുഴ: ത്രിശക്തി ദേവസ്ഥാനമായ ചിത്തിരത്തില് അന്നപൂര്ണേശ്വരീ ക്ഷേത്രത്തിലെ പത്താമുദയ മഹോത്സവം 23ന് നടക്കും. ഒറ്റ ശ്രീകോവിലില് അന്നപൂര്ണേശ്വരി, ഭദ്രകാളി, രക്തേശ്വരി എന്നീ ദേവിമാരെ ആരാധിക്കുന്ന അപൂര്വ്വം ക്ഷേത്രങ്ങളിലൊന്നാണ് ചിത്തിരത്തിലേത്. പത്താമുദയത്തോടനുബന്ധിച്ച് നടത്തുന്ന കലംകരിക്കല് ക്ഷേത്രം തന്ത്രി ഭണ്ഡാര അടുപ്പിലേക്ക് അഗ്നി പകരുന്നതോടെ ആരംഭിക്കും. പരമ്പരാഗത ആചാര സമ്പ്രദായത്തില് പഞ്ചവര്ണപ്പൊടികള് ഉപയോഗിച്ചുള്ള സര്പ്പക്കളമെഴുത്ത്, സര്പ്പം പാട്ട് എന്നിവയും ചിത്തിരത്തിലെ സര്പ്പക്കാവില് പത്താമുദയത്തോടനുബന്ധിച്ച് നടക്കും. 23ന് രാത്രി 12ന് നടക്കുന്ന പുറക്കളം ഗുരുസി, വടക്കോട്ട് ഗുരുസി, തേരേ ഗുരുസി എന്നീ പൂജകള് ദര്ശനപ്രാധാന്യമുള്ളതാണ്. നെല്ല്, പച്ചരി, ഭസ്മം തുടങ്ങിയവയുമായി പാറമ്പുഴ വൈകുണ്ഠപുരം ധന്വന്തരീ മൂര്ത്തി ക്ഷേത്രസന്നധിയില് നിന്നും പുറപ്പെടുന്ന വഴിപാട് താലപ്പൊലി ഘോഷയാത്രയും ഉണ്ടായിരിക്കും. താലപ്പൊലിക്കു ശേഷം വിഭവസമൃദ്ധമായ താലസദ്യയും നടക്കും.
ചിത്തിരത്തില് അന്നപൂര്ണേശ്വരീ ക്ഷേത്രത്തില് പത്താമുദയമഹോത്സവം 23ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.