കൊച്ചി: ഇ.ശ്രീധരന്റെ മേല്നോട്ടത്തില് കൊച്ചി മെട്രോ റെയില് യാഥാര്ത്ഥ്യമാക്കണമെന്ന കേരള ജനതയുടെ അഭിലാഷത്തിനനുസരിച്ച് നിലപാടെടുക്കാന് കേരളത്തില്നിന്നുള്ള എട്ട് കേന്ദ്രമന്ത്രിമാരും എംപിമാരും തയ്യാറാകണമെന്ന് ബിജെപി ദേശീയ നിര്വാഹകസമിതിയംഗം സി.കെ.പത്മനാഭന് ആവശ്യപ്പെട്ടു. പ്രധാനമന്ത്രി തറക്കല്ലിട്ട് ജനങ്ങള്ക്ക് വാഗ്ദാനം നല്കിയ ഈ പദ്ധതി നടപ്പാക്കാന് കഴിയുന്നില്ലെങ്കില് കേരളത്തിന്റെ മുഖ്യമന്ത്രിയും കേന്ദ്രമന്ത്രിമാരും ഈ വഞ്ചനയ്ക്ക് ഉത്തരം പറയേണ്ടിവരും, അദ്ദേഹം പറഞ്ഞു. മെട്രോ റെയിലിനായി ബിജെപി ജില്ലാ കമ്മറ്റി വൈറ്റിലയില് സംഘടിപ്പിച്ച സത്യഗ്രഹ സമരത്തിന്റെ മൂന്നാംദിന ഉദ്ഘാടനം നിര്വഹിക്കുകയായിരുന്നു അദ്ദേഹം.
ജില്ലാ വൈസ് പ്രസിഡന്റ് എം.രവി അധ്യക്ഷത വഹിച്ചു. സംസ്ഥാന ജനറല് സെക്രട്ടറി എ.എന്.രാധാകൃഷ്ണന്, ജില്ലാ പ്രസിഡന്റ് പി.ജെ.തോമസ്, കെ.പി.രാജന്, എം.എന്.മധു, ടി.പി.മുരളീധരന്, സജിനി രവികുമാര്, സരളാ പൗലോസ്, സഹജ ഹരിദാസ്, എന്.പി.ശങ്കരന്കുട്ടി, നെടുമ്പാശ്ശേരി രവി, വി.എന്.വിജയന്, വി.ആര്.വിജയകുമാര്, മനോജ് കുന്നത്തുനാട്, പി.ബി.സുജിത്, യു.മധുസൂദനന്, കെ.പി.സുബ്രഹ്മണ്യന്, ഇ.എന്.വാസുദേവന്, ടി.ബാലചന്ദ്രന്, ആര്.സജികുമാര് തുടങ്ങിയവര് പ്രസംഗിച്ചു.
