കൊച്ചി:സി എം ആര്‍ എല്‍-എക്സാലോജിക് ഇടപാടിലെ വിജിലന്‍സ് കേസില്‍ പിണറായിയുടെ അപ്പീല്‍ കേള്‍ക്കണമെന്ന് ഹൈക്കോടതിക്ക് സുപ്രീം കോടതി നിര്‍ദ്ദേശം നല്‍കിയ സാഹചര്യത്തില്‍ ഇ ഡി കേസിലും തിടുക്കപ്പെട്ടുള്ള നടപടികള്‍ ഉണ്ടാകില്ലെന്നാണ് സൂചന.ഇ ഡി രജിസ്റ്റര്‍ ചെയ്ത കേസില്‍ ഇടപെടുന്നില്ലെന്ന് സുപ്രീം കോടതി ഉത്തരവില്‍ പറഞ്ഞിട്ടുണ്ടെങ്കിലും പിണറായിയുടെ അപ്പീലില്‍ ഡിവിഷന്‍ ബെഞ്ചിന്റെ തീരുമാനം വരുന്നത് വരെ കാത്തിരിക്കും
ഇ ഡി സ്‌പെഷ്യല്‍ ഡയറക്ടറുടെ നേതൃത്വത്തില്‍ ബുധനാഴ്ച വൈകിട്ട് അഭിഭാഷകരുമായി യോഗം ചേര്‍ന്നാകും തുടര്‍ നടപടികള്‍ ആലോചിക്കുക. അതേസമയം, 23 ന് ഹാജരാകണമെന്ന് കാട്ടി പിണറായിക്ക് കഴിഞ്ഞ ദിവസം നല്‍കിയ സമന്‍സ് നിലനില്‍ക്കുമെന്ന് ഇ ഡി വ്യക്തമാക്കി. ഹാജരായില്ലെങ്കില്‍ നിയമോപദേശം തേടാനാണ് തീരുമാനം.
വിജിലന്‍സ് അന്വേഷണം ഒരാഴ്ചത്തേക്ക് നിര്‍ത്തിവയ്‌ക്കാന്‍ സുപ്രീം കോടതി ഉത്തരവിട്ട പശ്ചാത്തലത്തില്‍ തത്കാലം തുടര്‍നീക്കങ്ങള്‍ ഉണ്ടാകില്ല.
