തിരുവനന്തപുരം:സര്‍വകലാശാല ഹോസ്റ്റലില്‍ നിന്ന് മദ്യക്കുപ്പികളും കല്ലുകളും വലിച്ചെറിഞ്ഞ സംഭവത്തില്‍ ഉന്നത വിദ്യാഭ്യാസവകുപ്പ് അന്വേഷണം പ്രഖ്യാപിച്ചു.വിദ്യാര്‍ത്ഥികള്‍ അല്ലാത്തവര്‍ ഹോസ്റ്റലില്‍ താമസിക്കുന്നുണ്ടോ എന്നന്വേഷിക്കും.ലഹരി വസ്തുക്കള്‍ ഉപയോഗിക്കുന്നുണ്ടോ എന്നതും അന്വേഷിക്കുമെന്ന് ഉന്നത വിദ്യാഭ്യാസ മന്ത്രി അറിയിച്ചു.
സമിതി റിപ്പോര്‍ട്ടിന് ശേഷം തുടര്‍ നടപടി ഉണ്ടാകുമെന്നും ഉന്നത വിദ്യാഭ്യാസ മന്ത്രി റോജി എം ജോണ്‍ അറിയിച്ചു. ഹോസ്റ്റലില്‍ നിന്നും എസ്എഫ്‌ഐ പ്രവര്‍ത്തകര്‍ യൂത്ത് കോണ്‍ഗ്രസ് പ്രകടനത്തിന് നേരെ കല്ലെറിഞ്ഞതാണ് ഇന്നലത്തെ സംഘര്‍ഷത്തിന് കാരണമെന്നായിരുന്നു യൂത്ത് കോണ്‍ഗ്രസിന്റെ പരാതി.
രാത്രി രണ്ടര മണിക്കൂര്‍ തലസ്ഥാനം നഗരം അക്രമത്തിന്റെ അന്തരീക്ഷത്തിലായിരുന്നു.
