ഒട്ടാവ : കാനഡയിൽ വാടകക്കാരനും വീട്ടുടമയും തമ്മിൽ തുടങ്ങിയ തർക്കം വീട്ടുടമസ്ഥയായ ഇന്ത്യൻ വംശജ രാജ് തിവാനയുടെ അറസ്റ്റിൽ കലാശിച്ചു. സുഹൃത്തിനൊപ്പം ഗാർഡനിൽ ഇരുന്ന് അത്താഴത്തിന് ബീഫ് ബാർബിക്യൂ ഉണ്ടാക്കാൻ ശ്രമിച്ചത് രാജ് തിവാന തടഞ്ഞിരുന്നു. ഇതാണ് തർക്കത്തിനിടയാക്കിയത്.
വാടകക്കാരനായ 50-കാരനും സുഹൃത്തും ചേർന്ന് ഗാർഡനിൽ ബാർബിക്യൂ തയ്യാറാക്കുമ്പോഴാണ് വീട്ടുടമസ്ഥയായ രാജ് തിവാന അതിനെ ശക്തമായി എതിർത്തത്. ഭിത്തിയിൽ കറ പുരളുന്നുവെന്ന് പറഞ്ഞ് തുടങ്ങിയ തർക്കം പിന്നീട് വൻ വഴക്കായി മാറി. തൻറെ പറമ്പിൽ ഭക്ഷണം പാകം ചെയ്യാൻ അനുവദിക്കില്ലെന്ന് പറഞ്ഞ് രാജ് തിവാന പറയുകയും , ഗ്രില്ലിൽ വെച്ചിരുന്ന ഭക്ഷണം ബലമായി എടുത്തുമാറ്റുകയും ചെയ്തു.
ഇതോടെ വാടകക്കാരൻ പോലീസിൽ പരാതിപ്പെട്ടു . പിന്നാലെ വീട്ടുടമയുടെ വീട്ടിലെത്തിയ പോലീസ് സംഘം അവരെ അറസ്റ്റ് ചെയ്യുകയായിരുന്നു. ഇരു കൂട്ടരും തമ്മിൽ വാടകയുടെ പേരിൽ നിരന്തരം പ്രശ്നങ്ങൾ നടക്കുന്നുണ്ടായിരുന്നു. എന്നാലിപ്പോൾ വീട്ടുടമസ്ഥയായ രാജ് തിവാന സംഘിയാണെന്ന മട്ടിൽ പ്രചാരണം നടത്തുകയാണ് കേരളത്തിലെ ഇടത് – ഇസ്ലാമിസ്റ്റ് സംഘം .
.
ചിലരാകട്ടെ സിഖ് വംശജയായ തിവാനയെ ഹിന്ദുവായും ചിത്രീകരിക്കുന്നു. സിഖ് മതക്കാര്‍ ബീഫ് കഴിക്കാറില്ല. അവരുടെ വീട്ടിൽ ബീഫ് പാകം ചെയ്യുന്നതിനെയാണ് അവർ എതിർത്തത്. മാത്രമല്ല രാജ് തിവാന കനേഡിയന്‍ പൗരയാണ്. പഞ്ചാബിനെ ഇന്ത്യയില്‍ നിന്ന് വേര്‍പെടുത്തി മറ്റൊരു രാജ്യമാക്കാന്‍ ISI ഫണ്ടില്‍ പ്രവര്‍ത്തിക്കുന്ന സിഖ് മതത്തിലെ ഖാലിസ്ഥാനി വിഭാഗത്തിൽപ്പെട്ടവരാണിവർ . രാജ് തിവാന അറസ്റ്റിലായതിന്റെ പേരിൽ ഇന്ത്യയെയും, ഹിന്ദുക്കളെയും , ആർ എസ് എസിനെയും ആക്ഷേപിക്കാൻ ശ്രമിക്കുകയാണ് കേരളത്തിലെ ഇടത് – ഇസ്ലാമിസ്റ്റ് സംഘം .
