ഗുരുവായൂര് : ഇതര മത ചിഹ്നങ്ങള് ധരിച്ച് ഗുരുവായൂര് ക്ഷേത്രത്തില് കടക്കുന്നവരില് നിന്നും പിഴ ഈടാക്കുമെന്ന് ദേവസ്വം ചെയര്മാന് എവി ഗോപിനാഥ് . ക്ഷേത്രത്തില് ആചാരലംഘനം നടത്തിയ 2 ഓതിക്കന്മാരെ ആറു മാസത്തേക്ക് സസ്പെന്ഡ് ചെയ്തതായും അദ്ദേഹം പറഞ്ഞു. ക്ഷേത്രത്തില് പുണ്യാഹം നടത്തിയ ചെലവിലേക്ക് പിഴ ഈടാക്കുന്നതിനും തീരുമാനിച്ചതായും അദ്ദേഹം കൂട്ടിച്ചേര്ത്തു.
അഷ്ടമിരോഹിണി ദിനത്തില് ഒന്നര ലക്ഷത്തിലേറെ ഭക്തര് ഗുരുവായൂര് ക്ഷേത്രസന്നിധിയിലെത്തി . വിശേഷാല് പ്രസാദ ഊട്ടില് അമ്പതിനായിരതോളം ഭക്തര് പങ്കെടുത്തു. . പുന്നത്തൂര് കോവിലകം പുതുക്കി പണിയുന്നതിന് 6.40 കോടിയുടെ പദ്ധതിക്ക് സര്ക്കാരിന്റെ അനുമതി ലഭിച്ചു. വെങ്ങാട് ഗോശാല നവീകരണത്തിന് 70 കോടിയുടെ പദ്ധതിക്ക് സര്ക്കാര് ഭരണാനുമതി നല്കിയതായും അദ്ദേഹം പറഞ്ഞു.
ഭക്തര്ക്ക് തടസ്സമില്ലാതെ ക്ഷേത്ര ദര്ശനത്തിനും വിവാഹ ചടങ്ങുകള് ഭംഗിയായി നടത്തുന്നതിനും പോലീസ് സഹകരണത്തോടെ ദേവസ്വം ക്രമീകരണങ്ങള് ഒരുക്കും. അഭൂതപൂര്വ്വമായ ഭക്തജനതിരക്ക് കണക്കി ലെടുത്ത് ഭക്തജനങ്ങളുടെ സുരക്ഷയ്ക്കായി ക്ഷേത്രത്തിനകത്തും പുറത്തും ക്ഷേത്രനഗരിയിലും അധികം പോലീസിനെ വിന്യസിക്കും.
സമയബന്ധിതമായി പൂര്ത്തിയാക്കാന് പുലര്ച്ചെ 4 മണി മുതല് കല്യാണങ്ങള് നടത്തും. താലികെട്ടിനായി 6 മണ്ഡപങ്ങള് സജ്ജമാക്കും. താലികെട്ട് ചടങ്ങ് നിര്വ്വഹിക്കാന് ക്ഷേത്രം കോയ്മാരെ വിവാഹ മണ്ഡപത്തിലേക്ക് അധികമായി നിയോഗിക്കും. സമീപം മംഗള വാദ്യസംഘ ത്തെയും നിയോഗിക്കും. ക്ഷേത്രം കിഴക്കേ നട പൂര്ണ്ണമായും വണ്വേ ആക്കും. ഒരു ദിശയിലേക്ക് മാത്രം ഭക്തരെ കടത്തിവിട്ട് തിരക്ക് നിയന്ത്രിക്കും.
വരനും വധുവുമടങ്ങുന്ന വിവാഹസംഘം നേരത്തെയെത്തി മേല്പുത്തൂര് ആഡിറ്റോറിയത്തിന് തെക്ക് പുതിയ നടപ്പന്തലിലെ കൗണ്ടറിലെത്തി ആദ്യം ടോക്കണ് വാങ്ങണം. ഇവര്ക്ക് ആ പന്തലിലെത്തി
സുഗമമായ ക്ഷേത്ര ദര്ശനത്തിനായി കൂടുതല് സൗകര്യമൊരുക്കാന് ക്ഷേത്രത്തില് പ്രദക്ഷിണം, അടി പ്രദക്ഷിണം. ശയനപ്രദക്ഷിണം എന്നിവ അനുവദിക്കില്ല. ക്ഷേത്ര, ചടങ്ങിനെത്തുന്നവര്ക്കും ദര്ശനത്തിനെത്തുന്ന ഭക്തര്ക്കും കരുതലും സഹായവുമൊരുക്കി ദേവസ്വം ജീവനക്കാരും സെക്യൂരിറ്റി വിഭാഗവും പോലീസും ഉണ്ടാകും. മഫ്ടിയില് ക്ഷേത്രത്തിനകത്തും പോലീസിനെ വിന്യസിക്കും. പോക്കറ്റടിക്കാര്, സാമൂഹ്യവിരുദ്ധര് എന്നിവരെ കര്ശനമായി അമര്ച്ച ചെയ്യാന് പോലീസിനോട് അഭ്യര്ത്ഥിച്ചിട്ടുണ്ട്.
ക്ഷേത്രത്തിനകത്തും പുറത്തും ക്ഷേത്രനഗരിയിലും ഉള്ള സി സി ടി വി ക്യാമറകള് പ്രവര്ത്തനക്ഷമമാക്കും. 24 മണിക്കൂറും സി സി ടി വി നിരീക്ഷണം ശക്തമാക്കാന് സുരക്ഷാ ജീവനക്കാരെ നിയോഗിച്ചിട്ടുണ്ട്. സാമൂഹ്യ വിരുദ്ധ പ്രവര്ത്തനം ശ്രദ്ധയില്പ്പെട്ടാല് കര്ശന നിയമ നടപടി എടുക്കും. റോഡുകളില് പാര്ക്കിങ്ങ് അനുവദിക്കില്ല
