തിരുവനന്തപുരം: മുഖ്യമന്ത്രിയെ വഴിയില്‍ തടഞ്ഞ കേസില്‍ റിമാന്‍ഡ് കഴിഞ്ഞ പുറത്തിറങ്ങിയ ഡിസിസി മുന്‍ അംഗം ചേന്തി അനിലിന്റെ ക്ഷമാപണം സ്വീകരിച്ചതായി മുഖ്യമന്ത്രി വി ഡി സതീശന്‍. ക്ഷമ ചോദിച്ചത് വഴി അദ്ദേഹം വലുതായി. താന്‍ ചെറുതാകുകയും ചെയ്തതായും മുഖ്യമന്ത്രി പറഞ്ഞു.
ജാമ്യത്തില്‍ ഇറങ്ങിയ ചേന്തി അനില്‍ മാധ്യമങ്ങളോട് സംസാരിക്കവെ മുഖ്യമന്ത്രിയോടു ക്ഷമാപണം നടത്തിയിരുന്നു. മുഖ്യമന്ത്രി ചേന്തി അനിലിനോടു ക്ഷമിക്കണമെന്നു ശിവഗിരി മഠം പ്രസിഡന്റ് സ്വാമി സച്ചിദാനന്ദയും അഭ്യര്‍ഥിച്ചിരുന്നു.
ചേന്തിയില്‍ സംഘടിപ്പിച്ച ശ്രീനാരായണ ഗുരു ജയന്തി സമ്മേളനത്തില്‍ പങ്കെടുക്കാതിരുന്ന മുഖ്യമന്ത്രി വി ഡി സതീശനെ ചെമ്പഴന്തിയിലെ സമ്മേളനത്തിനായി പോകുന്നതിനിടെ തടയുകയും വാക്കേറ്റമുണ്ടാകുകയും ചെയ്തിരുന്നു.
