തിരുവനന്തപുരം: മുഖ്യമന്ത്രിയുടെ ഔദ്യോഗിക ഫേസ്ബുക്ക് പേജില് നിന്നും നീക്കം ചെയ്ത പോസ്റ്റുകള് പുനഃസ്ഥാപിച്ചു.അബദ്ധത്തില് നീക്കം ചെയ്തതാണെന്നാണ് മെറ്റയുടെ വിശദീകരണം. .
പോസ്റ്റുകള് നീക്കം ചെയ്തതില് മെറ്റയ്ക്കും കേന്ദ്ര ഐടി മന്ത്രാലയത്തിനും മുഖ്യമന്ത്രിയുടെ ഓഫീസ് കത്തയച്ചിരുന്നു.ഇതോടെയാണ് പോസ്റ്റുകള് പുനഃസ്ഥാപിച്ചത്.
ആശാവര്ക്കര്മാര്ക്കായി സര്ക്കാര് പ്രഖ്യാപിച്ച ഓണം ഉത്സവബത്തയുമായി ബന്ധപ്പെട്ട പോസ്റ്റും നബിദിന ആശംസകള് അടങ്ങിയ പോസ്റ്ററുമാണ് നീക്കം ചെയ്തത്. പോസ്റ്റുകള് ഫേസ്ബുക്കില് നിന്നും നീക്കം ചെയ്ത കാരണം മെറ്റ വ്യക്തമാക്കണമെന്ന് മുഖ്യമന്ത്രിയുടെ ഓഫീസ് കത്തില് ആവശ്യപ്പെട്ടിരുന്നു. പോസ്റ്റുകളുടെ ഉള്ളടക്കത്തില് എന്ത് അപാകതയാണ് കണ്ടെത്തിയതെന്ന് കമ്പനി അറിയിക്കണം.അന്യായമായി നീക്കം ചെയ്ത രണ്ട് പോസ്റ്റുകളും ഉടന് തന്നെ പേജില് പുനഃസ്ഥാപിക്കണമെന്നും മെറ്റയോടും ഒപ്പം കേന്ദ്ര ഐടി മന്ത്രാലയത്തോടും മുഖ്യമന്ത്രിയുടെ ഓഫീസ് കത്തില് ആവശ്യമുന്നയിച്ചിരുന്നു.
