കൊച്ചി:മോര്‍ഫിംഗ് പരാതി വിവിധ ജില്ലകളില്‍ ഉയരുന്നുണ്ട്.ഇപ്പോള്‍ കടവന്ത്രയില്‍ ജോലിക്കായി താമസിക്കുന്ന മൂവാറ്റുപുഴ സ്വദേശിനിയാണ് പരാതി നല്‍കിയത്. ഇന്‍സ്റ്റഗ്രാമിലെ ചിത്രങ്ങളും ബന്ധുവിന്റെ പക്കലുള്ള ചിത്രങ്ങളുമാണ് ടെലഗ്രാം ഗ്രൂപ്പുകളില്‍ പ്രചരിക്കുന്നത്.
പരാതി പ്രകാരം യുവതിയുടെ ബന്ധുവിനെ കടവന്ത്ര പൊലീസ് ചോദ്യം ചെയ്യാനായി വിളിപ്പിക്കും.അതേസമയം കോട്ടയത്ത് സഹപാഠികളുടെ ചിത്രം മോര്‍ഫ് ചെയ്ത വിദ്യാര്‍ഥി പിടിയിലായി.
ഏറ്റുമാനൂര്‍ മംഗളം കോളേജിലെ ബി ടെക് വിദ്യാര്‍ത്ഥി അജ്മലിനെയാണ് പിടികൂടിയത്. ഫോണില്‍ സഹപാഠികളുടെ ചിത്രം മോര്‍ഫ് ചെയ്ത് സൂക്ഷിച്ചെന്നാണ് കണ്ടെത്തിയത്. ചിത്രങ്ങള്‍ കണ്ടതോടെ വിദ്യാര്‍ഥികള്‍ വിവരം പൊലീസില്‍ അറിയിച്ചു. അജ്മലിനെ അറസ്റ്റ് ചെയ്ത് ജാമ്യത്തില്‍ വിട്ടു. ഇയാള്‍ ചിത്രങ്ങള്‍ മറ്റാര്‍ക്കും അയച്ചിട്ടില്ലെന്ന് പൊലീസ് പരിശോധനയില്‍ വ്യക്തമായി.
