ശ്രീകൃഷ്ണജയന്തിയോടനുബന്ധിച്ച് ബാലഗോകുലത്തിന്റെ ആഭിമുഖ്യത്തില് പാളയത്ത് നിന്നാരംഭിച്ച മഹാശോഭായാത്ര ശ്രീ ശക്തി ശാന്താനന്ദ മഹര്ഷി ശ്രീകൃഷ്ണ വിഗ്രഹത്തില് മാലചാര്ത്തി ഉദ്ഘാടനം ചെയ്യുന്നു. കെ.എന്.സജികുമാര്, മേയര് വി.വി. രാജേഷ്, റിഗാറ്റ ഗിരിജ ടീച്ചര്, ടി.എസ്. രാജന്, വി.മുരളീധരന് എംഎല്എ, വഴയില ഉണ്ണി തുടങ്ങിയവര് സമീപം
തിരുവനന്തപുരം: മായവിട്ടുണര്ന്നാലേ നാം മാനവനാകുകയുള്ളുവെന്നും ഇല്ലെങ്കില് ദാനവനായി മാറുമെന്നും ചേങ്കോട്ടുകോണം ശ്രീരാമദാസാശ്രമം അധ്യക്ഷന് ശ്രീശക്തി ശാന്താനന്ദ മഹര്ഷി പറഞ്ഞു. തിരുവനന്തപുരം മഹാനഗരത്തിലെ ശ്രീകൃഷ്ണജയന്തി മഹാശോഭായാത്ര പാളയം ഗണപതിക്ഷേത്രത്തിനു മുന്നില് ഉദ്ഘാടനം ചെയ്യുകയായിരുന്നു അദ്ദേഹം.
ആരാണിവിടെ മായയില് കുടുങ്ങി ഉറങ്ങുന്നത് എന്നുള്ള ഒരു ചോദ്യത്തിന് ഉത്തരം കണ്ടുപിടിക്കേണ്ട ഉത്തരവാദിത്തം നമുക്ക് ഓരോരുത്തര്ക്കുമാണ്. മായവിട്ടുണരാതിരുന്നാല് ഉണ്ടാകുന്ന അപകടം എന്താണെന്ന ചിന്ത വളരെ പ്രസക്തമാണ്.
മായവിട്ടുണരാത്തിടത്തോളം കാലം മാനവനായി വളരാന് കഴിയില്ലെന്നു മാത്രമല്ല, രാക്ഷസ ശക്തി ആര്ജ്ജിക്കുകയും ചെയ്യും. ജെന് സിയും ആല്ഫാ ജെന്സിയുമൊക്കെ വളര്ന്നു തടിച്ചു കൊഴുത്തുകൊണ്ടിരിക്കുന്ന കാലഘട്ടമാണിത്. അതിന്റെയൊക്കെ പിന്നില് തീവ്രവാദികള് കടന്നുകൂടി ഭാരതത്തിന്റെ സാംസ്കാരിക മുഖ്യധാരയില് നിന്ന് ജനസമൂഹത്തെ അടര്ത്തി മാറ്റാനുള്ള ശ്രമം നടത്തിക്കൊണ്ടിരിക്കുകയാണ്. പല രാജ്യങ്ങളിലും പരീക്ഷിച്ച് വിജയിച്ച പരിപാടി ഭാരതത്തില് നടപ്പാക്കുവാനുള്ള വിഫലശ്രമമാണ് നടക്കുന്നത്. ഇതൊന്നും തന്നെ തപസുകൊണ്ട് ശക്തിയാര്ജിച്ച ഭാരതത്തിന്റെ മണ്ണില്, മതം ഏതായാലും മനുഷ്യന് നന്നായാല് മതി എന്ന് പ്രഖ്യാപിക്കപ്പെട്ട ഈ നാട്ടില് നടപ്പാകില്ലെന്നും അദ്ദേഹം പറഞ്ഞു.
