പത്തനംതിട്ട: ലൈഫ് ഭവന പദ്ധതിയില്‍ ലക്ഷങ്ങളുടെ തട്ടിപ്പ് നടത്തിയെന്ന പരാതിയില്‍ വി ഇ ഒയെ പൊലീസ് കസ്റ്റഡിയിലെടത്തു.
സീതത്തോട് പഞ്ചായത്തിലെ വില്ലേജ് എക്സ്റ്റന്‍ഷന്‍ ഓഫീസര്‍ റാണി ലക്ഷ്മിയാണ് പിടിയിലായത്. പഞ്ചായത്ത് വൈസ് പ്രസിഡന്റ് ജോബി ടി. ഈശോയുടെ പരാതിയില്‍ റാണിയുടെ വീട്ടില്‍ കോന്നി സി.ഐയുടെ നേതൃത്വത്തില്‍ നടത്തിയ പരിശോധനയ്‌ക്ക് ശേഷമാണ് ഉദ്യേഗസ്ഥയെ കസ്റ്റഡിയിലെടുത്തത്. അര്‍ഹരായ ഗുണഭോക്താക്കള്‍ക്ക് പണം ലഭിക്കുന്നില്ലെന്ന പരാതിയില്‍ പൊലീസ് വിശദമായ അന്വേഷണം നടത്തിവരികയാണ്. പദ്ധതിയുമായി ബന്ധപ്പെട്ട് വ്യാജരേഖ ചമച്ച് ലക്ഷങ്ങളുടെ ക്രമക്കേടും നടന്നതായി അറിയുന്നു.
