ഇസ്ലാമബാദ് :പാകിസ്ഥാന് പ്രധാനമന്ത്രി ഷെഹ്ബാസ് ഷെരീഫ് എസ് സി ഒ യോഗത്തില് ഏഴ് നേതാക്കളുടെ ഒത്ത നടുക്ക് നില്ക്കുന്ന ചിത്രം ഫോട്ടോഷോപ്പില് ഉണ്ടാക്കി പ്രചരിപ്പിച്ച് പാകിസ്ഥാന്. ഏത് വിധേനെയും പ്രാധാന്യം ഉയര്ത്തിക്കാട്ടാന് എന്ത് കള്ളത്തരവും പാകിസ്ഥാന് ചെയ്യുമെന്നാണ് ഇതിലൂടെ പുറത്ത് വന്നിരിക്കുന്നത്.
പാകിസ്ഥാന് പങ്കുവെച്ച എസ് സിഒ നേതാക്കളുടെ വ്യാജ ഫോട്ടോ. ഇതില് ഒത്ത നടുക്ക് പാക് പ്രധാനമന്ത്രി ഷെഹ്ബാസ് ഷെരീഫിനെ കാണാം:
ആകെ പത്ത് രാജ്യങ്ങളാണ് എസ് സി ഒയില് അംഗരാജ്യങ്ങളായുള്ളത്. ഈ പത്ത് നേതാക്കളും യുഎന്നില് നിന്നുള്ള രണ്ട് പ്രതിനിധികളും ഉള്പ്പെടെ പന്ത്രണ്ട് പേര് നില്ക്കുന്ന ഗ്രൂപ്പ് ഫോട്ടോ പുറത്തുവന്നിരുന്നു. പ്രധാനമന്ത്രി മോദി ഈ ഫോട്ടോ എക്സില് പങ്കുവെച്ചിരുന്നു.
ഇതില് ഇടത്ത് നിന്ന് ഒമ്പതാമതായാണ് ഷെഹ്ബാസ് ഷെരീഫിന്റെ സ്ഥാനം. അതിന് പകരമാണ് ഈ 12 പേരില് നിന്നും മോദി ഉള്പ്പെടെയുള്ള അഞ്ച് പേരെ ഫോട്ടോഷോപ്പ് ഉപയോഗിച്ച് വെട്ടിമാറ്റി പാകിസ്ഥാന് പുതിയൊരു വ്യാജ ഗ്രൂപ്പ് ഫോട്ടോ ഉണ്ടാക്കിയിരിക്കുന്നത്. പാകിസ്ഥാന്. ഈ ഗ്രൂപ്പ് ഫോട്ടോയില് കാണിച്ചിരിക്കുന്നത് ഏഴ് നേതാക്കളെ മാത്രമാണ്. ഇതില് നിന്നും മോദിയെ ഉള്പ്പെടെ വെട്ടിമാറ്റിയിട്ടുണ്ട്. ഇന്ത്യയുടെ പ്രാധാന്യം കുറച്ചുകാണിക്കാനായിരുന്നു പാകിസ്ഥാന്റെ ശ്രമം. പാകിസ്ഥാന് സൃഷ്ടിച്ച ഏഴ് പേരടങ്ങുന്ന ഗ്രൂപ്പ് ഫോട്ടോയില് ഒത്ത നടുക്കാണ് ഷെഹ്ബാസ് ഷെരീഫിനെ നിര്ത്തിയിരിക്കുന്നത്. എസ് സി ഒ ഗ്രൂപ്പിലെ ഏറ്റവും പ്രധാന നേതാവ് ഷെഹ്ബാസ് ഷെരീഫ് ആണെന്ന് തോന്നിക്കും വിധത്തിലാണ് ഈ വ്യാജചിത്രം സൃഷ്ടിച്ചിരിക്കുന്നത്.
ഈ ഏഴ് പേരില് ചൈനയുടെ ഷീ ജിന്പിങ്ങ്, റഷ്യയുടെ പുടിന് എന്നിവരുണ്ട്. പാകിസ്ഥാന് യഥാര്ത്ഥ ഗ്രൂപ്പ് ഫോട്ടോയില് നിന്നും വെട്ടിമാറ്റിയ അഞ്ച് പേരില് ഇറാന് പ്രസിഡന്റ് പെസഷ്കിയാന്, പ്രധാനമന്ത്രി മോദി, ബെലാറൂസിന്റെ അലക്സാണ്ടര് ലുകാഷെങ്കോ, കസാഖിസ്ഥാന് പ്രസിഡന്റ് കാസിം തൊകായേവ്, കിര്ഗിസ്ഥാന് പ്രസിഡന്റ് സാദിര് ജപാറോവ് എന്നിവര് ഉള്പ്പെടുന്നു. പാകിസ്ഥാന്റെ ഈ നടപടിക്കെതിരെ സമൂഹമാധ്യമങ്ങളില് വലിയ തോതില് വിമര്ശനം ഉയരുകയാണ്.
