മുംബൈ: വിഖ്യാത ഗായിക ശ്രേയ ഘോഷാലിനെ ക്ലിഷ്ടമായ സ്വരപ്രയോഗങ്ങള് സാക്സഫോണില് നടത്തി അമ്പരപ്പിച്ച് യുവാവ്. നാദസ്വരം പോലെ അത്രയും അനായാസമായാണ് സാക്സഫോണില് പീയൂഷ് രാജ് സ്വരങ്ങള് വായിച്ചത്.
ശ്രേയാ ഘോഷാല് സ്റ്റേജില് പാടിയ ഗാനത്തിലെ സ്വരപ്രയോഗങ്ങള് അതേ പടി സാക്സഫോണിസ്റ്റ് പിയൂഷ് രാജ് വായിക്കുകയായിരുന്നു. ഇത് കേട്ട് ശ്രേയ ഘോഷാല് തന്നെ അമ്പരന്നുപോകുന്നതും വീഡിയോയില് കാണാമായിരുന്നു.
On 29th August, Shreya Ghoshal was invited to an event where she was presented with the 21st Asha Bhosle Award.
After receiving the award, Shreya Ghoshal was asked to sing a few lines.
Like the other singers, Shreya sang one line and was about to wrap up the song, but the… pic.twitter.com/n3TSuAhgyI
— Amit Kumar Sindhi (@AMIT_GUJJU) September 1, 2026
മുംബൈയിലെ ചിഞ്ച് വാഡിലെ ഒരു ഓഡിറ്റോറിയത്തില് നടന്ന 21-ാമത് ആശാ ഭോസ്ലെ അവാർഡ് ദാന ചടങ്ങിലായിരുന്നു പീയൂഷ് രാജ് എന്ന സാക്സഫോണിസ്റ്റ് അസാധാരണ പ്രകടനം സ്റ്റേജില് കാഴ്ചവെച്ചത്. നിമിഷങ്ങള്ക്കകം ഇതിന്റെ വീഡിയോ സമൂഹമാധ്യമങ്ങളില് വൈറലായി പ്രചരിച്ചു.
21ാമത് ആശാ ഭോസ്ലെ പുരസ്കാരം ഏറ്റുവാങ്ങാനെത്തിയ ശ്രേയ ഘോഷാല് നടത്തിയ “ആശാ സേ ശ്രേയ തക്” എന്ന് പേരിസംഗീത പരിപാടിക്കിടെയായിരുന്നു സാക്സഫോണിസ്റ്റ് പീയൂഷ് രാജിന്റെ സാക്സഫോണിലുള്ള അത്ഭുത സ്വരപ്രയോഗങ്ങള് നടന്നത്. സ്റ്റേജില് ശ്രേയ ഘോഷാൽ തന്റെ പ്രശസ്തമായ “മേരെ ധോൽന” ഗാനം ആലപിക്കുകയായിരുന്നു. ഈ ഗാനത്തിലെ സ്വരങ്ങള് ശ്രേയ ഘോഷാല് പാടിത്തുടങ്ങിയപ്പോള് സാക്സഫോണില് പീയൂഷ് രാജ് അതേ പടി അനുകരിക്കുകയായിരുന്നു.
ഇതോടെ കൂടുതല് സങ്കീര്ണ്ണമായ സ്വരങ്ങള് ശ്രേയഘോഷാല് പാടി. അതും അതേ പടി സാക്സഫോണിസ്റ്റ് വായിച്ചുകേള്പ്പിച്ചു. സാക്സോഫോണിസ്റ്റ് പിയൂഷ് രാജിന്റെ ഈ പ്രകടനം ശ്രേയയെയും പ്രേക്ഷകരെയും അത്ഭുതപ്പെടുത്തി. ശ്രേയ ഘോഷാല് പാടിയ അതിവേഗത്തിലുള്ള സങ്കീർണ്ണ സ്വരപ്രയോഗങ്ങള് പീയൂഷ് രാജ് വായിച്ചതോടെ ഈ ഗാനം ഒരു അസ്സല് ജുഗൽബന്ദിയായി മാറുകയായിരുന്നു. പീയൂഷ് രാജിന്റെ അനായാസമുള്ള സാക്സഫോണ് വായന കണ്ട് ശ്രേയ ഘോഷാല് അത്ഭുതപ്പെടുന്നതും വീഡിയോയില് കാണാം.
