കോട്ടയം : രാഹുല്‍ ഗാന്ധിയെ കേസെടുത്ത് ഭയപ്പെടുത്താമെന്നത് വ്യാമോഹം മാത്രമാണെന്ന് മുഖ്യമന്ത്രി വിഡി സതീശന്‍. രാഷ്‌ട്രീയ എതിരാളികള്‍ക്കെതിരെ നിയമ സംവിധാനങ്ങളെ ആയുധമാക്കുന്നത് അനുവദിക്കാനാകില്ലെന്നും ഇക്കാര്യത്തില്‍ രാഹുല്‍ ഗാന്ധിക്കും മല്ലികാര്‍ജുന്‍ ഖാര്‍ഗെക്കുമൊപ്പം കേരള ജനതയും ഉറച്ചുനില്‍ക്കുമെന്നും സതീശന്‍ അവകാശപ്പെട്ടു.
അതേസമയം രാഹുല്‍ ഗാന്ധിക്കെതിരായ എഫ്‌ഐആര്‍ പിന്‍വലിക്കുംവരെ പ്രതിഷേധം സംഘടിപ്പിക്കാന്‍ കോണ്‍ഗ്രസ് സംസ്ഥാന ഘടകങ്ങള്‍ക്ക് ദേശീയ ജനറല്‍ സെക്രട്ടറി കെ സി വേണുഗോപാല്‍ സര്‍ക്കുലര്‍ അയച്ചു. പേടിയില്ലെങ്കില്‍ പിന്നെ അതിന്‌റെ പേരില്‍ ഇത്രയും ബഹളംവയ്‌ക്കുന്നതെന്തിനെന്ന ചോദ്യം ഉയരുന്നു. ജയറാം രമേശും അശോക് ഗെലോട്ടും അടക്കം ഒട്ടേറെ കോണ്‍ഗ്രസ് നേതാക്കളും എഫ്‌ഐആര്‍ പിന്‍വലിക്കണമെന്ന് ആവശ്യപ്പെട്ട് രംഗത്തുവന്നിട്ടുണ്ട്.
എസ് സി എസ്ടി വിഭാഗത്തില്‍ നിന്നൊരാള്‍, രാഹുല്‍ഗാന്ധി അയാളുടെ സമുദായത്തെ അവഹേളിച്ചുവെന്നു ചൂണ്ടിക്കാട്ടി നല്‍കിയ പരാതിയില്‍ പൊലീസ് എഫ് ഐ ആര്‍ ഇടുന്നത് സ്വാഭാവിക നടപടിയാണ്. ഇതില്‍ പോലും കോണ്‍ഗ്രസ് ശരിക്കും പേടിച്ചുവെന്ന് സാക്ഷ്യപ്പെടുത്തുന്നതാണ് കെ സിയുടെ സര്‍ക്കുലര്‍.
ഹല്‍ദ്വാനിയിലെ രാംലീല മൈതാനത്ത് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെ പങ്കെടുത്ത പൊതുയോഗവുമായി ബന്ധപ്പെട്ട് ജാതീയമായ ദുര്‍വ്യാഖ്യാനം ചമച്ച് സാമൂഹ്യ സ്പര്‍ധ വളര്‍ത്താന്‍ ശ്രമിച്ചതിനാണ് എസ് സി എസ്ടി വിഭാഗത്തില്‍ നിന്നുതന്നെ പരാതി ഉയര്‍ന്നത്. വിഘടന രാഷ്‌ട്രീയം പയറ്റാനുള്ള കോണ്‍ഗ്രസിന്‌റെ കുടില ബുദ്ധിക്കേറ്റ പ്രഹരമായിരുന്നു പരാതിയും തുടര്‍ന്നുള്ള എഫ്‌ഐആറും.
കേസെടുത്താല്‍ രാഹുല്‍ ഗാന്ധി പേടിക്കില്ലെന്ന് സതീശന്‍, പേടിച്ചുവെന്ന് സാക്ഷ്യപ്പെടുത്തി കെ സിയുടെ സര്‍ക്കുലര്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.