ന്യൂദല്ഹി: ജന്മഭൂമി സംഘടിപ്പിക്കുന്ന ‘വണ് എപിക്, മെനി സ്റ്റോറീസ്: രാമകഥ എക്രോസ് ഭാരത് ആന്ഡ് ബിയോണ്ട്’ ത്രിദിന ദേശീയ കോണ്ക്ലേവിന്റെ പ്രതിനിധി രജിസ്ട്രേഷന് മികച്ച പ്രതികരണം. ആഗസ്ത് 21ന് ആരംഭിച്ച രജിസ്ട്രേഷനില് പൊതുജനങ്ങള്, സര്വകലാശാല വിദ്യാര്ത്ഥികള്, ഗവേഷണ വിദ്യാര്ത്ഥികള് തുടങ്ങിയവരുടെ സജീവ പങ്കാളിത്തമാണ് ലഭിക്കുന്നത്. രജിസ്ട്രേഷനിലെ വന്പ്രതികരണം കോണ്ക്ലേവിനുള്ള സ്വീകാര്യത വ്യക്തമാക്കുന്നു
സപ്തംബര് 18 മുതല് 20 വരെ കൊച്ചി ഭാസ്കരീയം കണ്വെന്ഷന് സെന്ററിലാണ് ദേശീയ കോണ്ക്ലേവ് സംഘടിപ്പിക്കുന്നത്. 18ന് പ്രതിരോധമന്ത്രി രാജ്നാഥ് സിങ് കോണ്ക്ലേവ് ഉദ്ഘാടനം ചെയ്യും.
കോണ്ക്ലേവിന്റെ ഭാഗമായി നടക്കുന്ന വിവിധ പരിപാടികളിലേക്കുള്ള ഡെലിഗേറ്റ് രജിസ്ട്രേഷന്, പ്രബന്ധാവതരണത്തിനുള്ള ക്ഷണം, വിവിധ മത്സരങ്ങള്, സംവാദപരിപാടികള് എന്നിവയിലേക്കുള്ള രജിസ്ട്രേഷനും ജന്മഭൂമിയുടെ ഔദ്യോഗിക വെബ്സൈറ്റായ www.janmabhumi.in വഴി ആരംഭിച്ചിട്ടുണ്ട്. സപ്തംബര് 12 ആണ് രജിസ്ട്രേഷന്റെ അവസാന തീയതി.
