മുംബൈ: ഈ ദീപാവലിയോടെ പുതിയ ഥാര് എത്തുമെന്ന് റിപ്പോർട്ടുകള്. ഡിസൈൻ, ഇന്റീരിയർ, ഫീച്ചറുകള് എന്നിവയില് നിരവധി മാറ്റങ്ങളോടെയാകും പുതുക്കിയ ഥാർ എത്തുക.
പുതിയ ഹെഡ് ലാംപ്
പുതിയ എല്ഇഡി ഡിആർഎല്ലുകളോടുകൂടിയ വൃത്താകൃതിയിലുള്ള എല്ഇഡി ഹെഡ്ലാമ്പുകളാണ് പുതിയ ഥാറില് പ്രതീക്ഷിക്കുന്നത്.
ഗ്രില് മാറും
ഗ്രില്ലിലും മാറ്റങ്ങള് പ്രതീക്ഷിക്കുന്നുണ്ട്. നേരത്തെ കണ്ടെത്തിയ പരീക്ഷണ വാഹനത്തില് റോക്സിന് സമാനമായ ഗ്രില് കണ്ടപ്പോള് ഏറ്റവും പുതിയ പരീക്ഷണ വാഹനത്തില് നാല് സ്ലാറ്റുകളുള്ള വീതിയേറിയതും ലളിതവുമായ ഗ്രില്ലാണ് ഉണ്ടാവുക.
10 സ്പോക്ക് ഡിസൈനില് 18 ഇഞ്ച് പുതിയ അലോയ് വീലുകള്
കട്ടിയുള്ള ബോഡി ക്ലാഡിങ്, വാതിലുകളുടെ രൂപകല്പ്പന, ഒആർവിഎമ്മുകള്, കറുത്ത ഗ്രാബ് ഹാൻഡിലുകള് തുടങ്ങിയവ നിലനിർത്തിയേക്കും. എന്നാല് 10 സ്പോക്ക് ഡിസൈനിലുള്ള പുതിയ 18 ഇഞ്ച് അലോയ് വീലുകള് വാഹനത്തിന് കൂടുതല് പ്രീമിയം രൂപം നല്കും.
വെന്റിലേറ്റഡ് സീറ്റുകളും ഹര്മന് ഓഡിയോ സംവിധാനവും
. ഥാർ റോക്സില് നിന്നുള്ള 12.3 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സംവിധാനം പുതിയ ഥാറിലും ഇടംപിടിച്ചേക്കും. വെന്റിലേറ്റഡ് സീറ്റുകള്, ഹർമൻ കാർഡണ് ഓഡിയോ സംവിധാനം തുടങ്ങിയ പ്രീമിയം ഫീച്ചറുകളും പുതിയ ഥാറില് ഉള്പ്പെടുത്താൻ സാധ്യതയുണ്ട്.
ഫോര്വേഡ് കൊളീഷന് വാണിംഗ് ഉണ്ടാവും.
ഇതില് ലെവല് 2 അഡ്വാൻസ്ഡ് ഡ്രൈവർ അസിസ്റ്റൻസ് സംവിധാനമായിരിക്കും. ഫോർവേഡ് കൊളിഷൻ വാണിങ്, ഓട്ടോമാറ്റിക് എമർജൻസി ബ്രേക്കിങ്, ലെയ്ൻ ഡിപ്പാർച്ചർ വാണിങ്, ലെയ്ൻ കീപ്പ് അസിസ്റ്റ്, അഡാപ്റ്റീവ് ക്രൂയിസ് കണ്ട്രോള് തുടങ്ങിയ സംവിധാനങ്ങള് ലെവല് 2 എഡിഎഎസിന്റെ ഭാഗമായി ലഭിച്ചേക്കും.
എഞ്ചിന് മാറില്ല
ഫെയ്സ്ലിഫ്റ്റിനൊപ്പം നിലവിലെ എൻജിൻ ഓപ്ഷനുകളില് വലിയ മാറ്റങ്ങള് പ്രതീക്ഷിക്കുന്നില്ല. 2.0 ലിറ്റർ ടർബോ പെട്രോള്, 1.5 ലിറ്റർ ഡീസല്, 2.2 ലിറ്റർ ഡീസല് എൻജിനുകള് തുടർന്നും ലഭിച്ചേക്കും.
പിന്ചക്ര ഡ്രൈവ് സംവിധാനവും തുടരും
തിരഞ്ഞെടുത്ത പെട്രോള്, ഡീസല് വകഭേദങ്ങളില് 4×4 സംവിധാനം തുടർന്നും ലഭിക്കുമെന്നാണ് പ്രതീക്ഷ. മറ്റ് പതിപ്പുകളില് പിൻചക്ര ഡ്രൈവ് സംവിധാനവും തുടരും. പുതിയ മഹീന്ദ്ര ഥാർ നിലവിലെ മോഡലിനേക്കാള് കൂടുതല് പ്രീമിയം പാക്കേജായി മാറിയേക്കും.
