ന്യൂയോര്ക്ക് സിറ്റി/ന്യൂദല്ഹി: ആര്എസ്എസ് സര്സംഘചാലക് ഡോ. മോഹന് ഭാഗവത് ന്യൂയോര്ക്കിലെത്തി. അമേരിക്കന് ഹിന്ദുസ് ഫോര് എന്ഗേജ്മെന്റ് ആന്ഡ് ഡയലോഗ് (എഎച്ച്ഇഎഡി) ഫോറം സംഘടിപ്പിക്കുന്ന യൂണിവേഴ്സല് വണ്നെസ് സെലിബ്രേഷനില് അദ്ദേഹം സംസാരിക്കും. നാളെ മാഡിസണ് സ്ക്വയര് ഗാര്ഡനിലെ ഇന്ഫോസിസ് തിയേറ്ററിലാണ് പരിപാടി. ഇരുനൂറിലധികം സംഘടനകളുടെ പങ്കാളിത്തം പരിപാടിക്കുണ്ടെന്ന് സംഘാടകര് അറിയിച്ചു.
മോഹന് ഭാഗവത് പങ്കെടുക്കുന്ന യൂണിവേഴ്സല് വണ്നസ് സെലിബ്രേഷന് (Universal Oneness Celebration) വിവിധ മതവിഭാഗങ്ങളിലും സംസ്കാരങ്ങളിലുപ്പെട്ടവരുമായുള്ള തുറന്ന സംവാദവേദിയാണെന്ന് ആര്എസ്എസ് അഖില ഭാരതീയ പ്രചാര്പ്രമുഖ് സുനില് ആംബേക്കര് പ്രതികരിച്ചു. സംഭാഷണത്തിന്റെയും പരസ്പര ബഹുമാനത്തിന്റെയും അന്തരീക്ഷത്തില് സംഘടിപ്പിക്കുന്ന ഈ പരിപാടി, എല്ലാവരെയും ഉള്ക്കൊള്ളുന്നതും സ്വാഗതം ചെയ്യുന്നതുമായ ഭാരതീയ മൂല്യങ്ങളെ പ്രതിഫലിപ്പിക്കുന്നതാണെന്ന് അദ്ദേഹം പറഞ്ഞു.
