ലഖ്നൗ: ഹിന്ദുക്കളുടെ പുണ്യമാസമായ ശ്രാവണത്തില് അയോധ്യയില് കോണ്ഗ്രസ് പ്രസിഡന്റ് അജയ് റായിയുടെ പരിപാടിക്കിടെ നടത്തിയ മത്സ്യവിരുന്നിനെതിരെ രൂക്ഷമായ പ്രതിഷേധമുയരുന്നു. കോണ്ഗ്രസ് ഹിന്ദു പാരമ്പര്യങ്ങളെയും മതവിശ്വാസങ്ങളെയും അപമാനിക്കുകയാണെന്ന് മുഖ്യമന്ത്രി യോഗി ആദിത്യനാഥ് പറഞ്ഞു. കോണ്ഗ്രസ് എല്ലായ്പ്പോഴും സനാതന വിരുദ്ധമാണെന്ന് അദ്ദേഹം ചൂണ്ടിക്കാട്ടി. അജയ് റായ് പങ്കെടുത്ത പരിപാടിയില് മീന് വിളമ്പുന്ന വീഡിയോ സോഷ്യല് മീഡിയ പ്ലാറ്റ്ഫോമുകളില് വൈറലായിരുന്നു.
ശ്രാവണകാലത്ത് മത്സ്യവിരുന്ന് സംഘടിപ്പിക്കുന്നത് സനാതന ധര്മ്മത്തിനും അയോധ്യയ്ക്കും അപമാനമാണ്, കോണ്ഗ്രസ് പരസ്യമായി മാപ്പ് പറയണമെന്ന് അയോധ്യ ആസ്ഥാനമായുള്ള സന്യാസി മഹന്ത് ഭരത് പറഞ്ഞു.
ഹിന്ദു വികാരങ്ങളോടും സനാതന ധര്മ്മത്തോടും കോണ്ഗ്രസിന് ഒരു ബഹുമാനവുമില്ലെന്നും അത്തരമൊരു അപമാനം സന്യാസിമാര് ഒരിക്കലും വെച്ചുപൊറുപ്പിക്കില്ലെന്നും അദ്ദേഹം പറഞ്ഞു.
മത്സ്യവിരുന്ന് കോണ്ഗ്രസിന്റെ സനാതന വിരുദ്ധ മനോഭാവത്തെ പ്രതിഫലിപ്പിക്കുന്നുവെന്ന് ഹനുമാന്ഗര്ഹി ക്ഷേത്രത്തിലെ പൂജാരി രമേശ് ദാസ് പറഞ്ഞു.
