തിരുവനന്തപുരം:താനോ തന്റെ മകളോ കുടുംബാംഗങ്ങളോ ഒരു ഹവാലയും നടത്തിയിട്ടില്ലെന്ന് പ്രതിപക്ഷ നേതാവ് പിണറായി വിജയന്. മകള് വീണ ടിയ്ക്കെതിരായ എന്ഫോഴ്സ്മെന്റ് ഡയറക്ടറേറ്റ് (ഇഡി) അന്വേഷണത്തില് പ്രതികരിക്കുകയായിരുന്നു അദ്ദേഹം.തന്റെ കൈകള് ശുദ്ധമാണെന്നും അവകാശപ്പെട്ടു.അന്വേഷണവുമായി വീണ സഹകരിച്ചു. ഇനിയും സഹകരിക്കുമെന്നും പിണറായി പറഞ്ഞു.
വീണ തന്റെ മകളായതിനാല് വിചിത്രമായ നടപടികള് കൂടി വരികയാണ്.വീണ ഒരുപാട് സ്വത്തിന്റെ ഉടമ അല്ല.ഇതില് കേള്ക്കുന്ന പണവും വലുതല്ല.സാധാരണ ഇഡി വാര്ത്താക്കുറിപ്പ് ഇറക്കാറില്ലെന്നും വെബ്സൈറ്റിലാണ് വിവരം നല്കാറെന്നും പിണറായി പറഞ്ഞു.
വാര്ത്താക്കുറിപ്പില് പി വിജയന് എന്നാണ് പറഞ്ഞിരിക്കുന്നത്.മുന് മുഖ്യമന്ത്രി എന്നും പറഞ്ഞു. എന്താണ് അങ്ങനെ പറയാന് കാരണമെന്ന് പിണറായി വിജയന് ചോദിച്ചു.ഇത്തരം കാര്യങ്ങളില് തനിക്കെതിരെ വാര്ത്ത നല്കുന്ന ചില മാധ്യമങ്ങള് ഉണ്ടെന്നും ഭര്ത്താവ് മുഹമ്മദ് റിയാസിന്റെ അക്കൗണ്ടിലേക്ക് വീണ പണം മാറ്റിയെന്ന വാര്ത്ത നല്കിയത് ഏത് തെളിവിന്റെ അടിസ്ഥാനത്തിലാണെന്നും പിണറായി ചോദിച്ചു.
