കൊച്ചി: മുത്തങ്ങ പോലീസ് കോണ്സ്റ്റബിള് അബ്ദുല് സലാം വധശ്രമക്കേസില് ശിക്ഷ മരവിപ്പിച്ചു, ഗീതാനന്ദന് ഉള്പ്പെടെയുള്ള പ്രതികള്ക്ക് ഹൈക്കോടതി ജാമ്യം അനുവദിച്ചു. കേസിലെ ഒന്നാം പ്രതി എം ഗീതാനന്ദന്, മൂന്നാം പ്രതി ബിനു, അഞ്ചാം പ്രതി രമേശന് കോയാലിപ്പുര, പതിനൊന്നാം പ്രതി അനില് കുമാര് എന്നിവര്ക്കാണ് ഹൈക്കോടതി ജാമ്യം അനുവദിച്ചത്. കല്പ്പറ്റ പ്രിന്സിപ്പല് സെഷന്സ് കോടതിയുടെ ശിക്ഷാവിധിയില്
പ്രഥമദൃഷ്ട്യാ പിഴവുകളുണ്ടെന്ന് ജസ്റ്റിസ് എ. ബദറുദ്ദീന് നിരീക്ഷിച്ചു
ഒരാഴ്ചയ്ക്കുള്ളില് പ്രതികള് 46,000 രൂപ വീതം ജാമ്യത്തുക കെട്ടിവെയ്ക്കണമെന്നും രണ്ട് ആള് ജാമ്യം നല്കണമെന്നും ജാമ്യവ്യവസ്ഥയില് പറയുന്നു.
2003 ഫെബ്രുവരിയില് നടന്ന മുത്തങ്ങ ആദിവാസി ഭൂസമരത്തിനിടെ സിവില് പോലീസ് ഓഫീസര് അബ്ദുല് സലാമിനെ വധിക്കാന് ശ്രമിച്ചു, ഫോറസ്റ്റ് റേഞ്ച് ഓഫീസര് പി.കെ. ശശിധരനെ തട്ടിക്കൊണ്ടുപോയി പരിക്കേല്പ്പിച്ചു എന്നീ കുറ്റങ്ങള് ചുമത്തിയാണ് കല്പറ്റ കോടതി ഇവര്ക്ക് 5 വര്ഷം തടവുശിക്ഷ വിധിച്ചത്.
