ന്യൂദല്ഹി: കോവിഡ് കാലത്ത് പ്രതിരോധത്തിനായി കേരളത്തില് വ്യാപകമായി ഉപയോഗിച്ചിരുന്ന ഹോമിയോപ്പതി മരുന്നായ ആര്സെനിക്കം ആല്ബത്തിന്റെ വിതരണം തുടരുന്നതിനെ ചോദ്യം ചെയ്ത് സമര്പ്പിച്ച ഹര്ജി സുപ്രീം കോടതി തള്ളി. ശരിയായ ക്ലിനിക്കല് പരിശോധനകളോ പരീക്ഷണങ്ങളോ ഇല്ലാതെയാണ് ഈ മരുന്ന് പ്രചരിപ്പിച്ചതെന്ന് ഹര്ജിക്കാരന് ചൂണ്ടിക്കാട്ടി . കേരള സര്ക്കാര് ഇപ്പോഴും കുട്ടികള്ക്ക് ഇത് നല്കുന്നുണ്ടെന്നും അദ്ദേഹം പറഞ്ഞു.
എന്നാല് കോവിഡ് കാലത്ത് അലോപ്പതി മരുന്നുകളുടെ പോലും മെഡിക്കല് പ്രോട്ടോക്കോളുകളില് ഇളവ് വരുത്തിയിരുന്നുവെന്ന് കോടതി പറഞ്ഞു.
ഡ്രഗ്സ് ആന്ഡ് കോസ്മെറ്റിക്സ് ആക്ടിലെ പ്രോട്ടോക്കോള് പാലിക്കാതെ ഹോമിയോ മരുന്നുകള് ഉപയോഗിക്കാന് അനുവദിക്കുന്നുണ്ടോ എന്നതിനെക്കുറിച്ച് ഒരു സ്വതന്ത്ര അന്വേഷണം ആവശ്യമാണെന്ന് ചീഫ് ജസ്റ്റിസ് സൂര്യകാന്ത് അഭിപ്രായപ്പെട്ടു. ഇതുസംബനധിച്ച് പ്രത്യേക ഹര്ജി ഫയല് ചെയ്യാമെന്നും കോടതി പറഞ്ഞു.
