തൃശൂര്: ഡിവൈഎഫ്ഐ സംസ്ഥാന സമ്മേളനത്തിന്റെ ഭാഗമായി അവതരിപ്പിച്ച ‘മിസ’ നാടകത്തിനെതിരായ വിമർശനത്തിൽ പ്രതികരണവുമായി തിയേറ്റര് ആര്ടിസ്റ്റ് ചിന്നൂസ് ചിലങ്ക. നാടകത്തിന്റെ ഒരു ഭാഗം മാത്രം മുറിച്ചെടുത്ത് തെറ്റായ രീതിയില് പ്രചരിപ്പിക്കുകയാണെന്നാണ് ചിന്നൂസ് പറയുന്നത് .
‘അടിയന്തരവാസ്ഥയില് തുടങ്ങി ഫാസിസത്തെക്കുറിച്ചും ഭരണകൂട ഭീകരതകളെക്കുറിച്ചുമെല്ലാം സംസാരിക്കുന്ന നാടകമാണ് മിസ. ഭരണകൂട ഭീകരതയെക്കുറിച്ചാണ് ഈ നാടകം സംസാരിക്കുന്നത്. ഇത് കൊള്ളേണ്ടയിടത്ത് തന്നെ കൊണ്ടു എന്ന് കരുതുന്നു. മിസ ആരെയാണോ മുറിവേല്പ്പിക്കുക, നാടകം ആരെയാണോ പൊള്ളിക്കുക അവര്ക്ക് നന്നായി കൊണ്ടിട്ടുണ്ടെന്ന് ഈ അപവാദ പ്രചരണങ്ങളില് നിന്ന് വ്യക്തമായി . നാടകവുമായി ശക്തമായി മുന്നോട്ട് പോകുമെന്നും ‘ ചിന്നൂസ് ചിലങ്ക പറഞ്ഞു.
ഡിവൈഎഫ്ഐ സംസ്ഥാന സമ്മേളന വേദിയിൽ അല്പവസ്ത്രം ധരിച്ച് നടത്തിയ നാടകത്തിനെതിരെ രൂക്ഷ വിമർശനമാണ് ഉയരുന്നത്.
