ചെന്നൈ: പോക്സോ നിയമത്തിന് ലിംഗഭേദമില്ലെന്ന് മദ്രാസ് ഹൈക്കോടതി. പ്രായപൂര്ത്തിയാകാത്തവര് തമ്മിലുള്ള ഉഭയസമ്മതപ്രകാരമുള്ള ലൈംഗിക ബന്ധങ്ങളുമായി ബന്ധപ്പെട്ട കേസുകള് ആണ്കുട്ടികള്ക്കെതിരെ മാത്രമേ രജിസ്റ്റര് ചെയ്യുന്നുള്ളൂവെന്ന് കോടതി നിരീക്ഷിച്ചു. ഇത്തരം കേസുകളില് ഒരു പെണ്കുട്ടിയുടെ രക്ഷിതാക്കള് കേസ് രജിസ്റ്റര് ചെയ്യാന് നിര്ബന്ധിക്കുമ്പോള്, ആണ്കുട്ടിക്കും കുടുംബത്തിനും പരാതി നല്കാന് തുല്യ അവകാശമുണ്ടെന്ന് പോലീസ് അവരെ ബോദ്ധ്യപ്പെടുത്തണമെന്ന് കോടതി നിര്ദ്ദേശിച്ചു.
‘ആണ്കുട്ടിയെ കുറ്റവാളിയാക്കുകയും അവന്റെ കുടുംബത്തെ നടപടികളിലേക്ക് നയിക്കുകയും ചെയ്യുന്നു, അതേസമയം അതേ കുറ്റത്തിന് പെണ്കുട്ടിയെ ഒഴിവാക്കുന്ന സാഹചര്യമാണുള്ളതെന്ന് കോടതി പറഞ്ഞു.
കൗമാരക്കാരുടെ പരസ്പര സമ്മതത്തോടെയുള്ള ഗര്ഭധാരണങ്ങളില് ഉള്പ്പെടെ, പൊട്ടന്സി ടെസ്റ്റുകള് നിര്ത്തലാക്കാനും, ഡിഎന്എ വിശകലനത്തെയും മറ്റ് ശാസ്ത്രീയ രീതികളെയും ആശ്രയിക്കാനും കോടതി ശുപാര്ശ ചെയ്തു.
