കൊച്ചി:സിനിമാ നിര്‍മ്മാതാവായ ലിസ്റ്റിന്‍ സ്റ്റീഫന്‍ കാക്കനാട്ട് ആരംഭിച്ച പുതിയ തിയറ്ററിന്റെ ഉദ്ഘാടനച്ചടങ്ങില്‍ ദിലീപും മഞ്ജുവാര്യരും കണ്ടുമുട്ടി. പക്ഷെ ഇരുവരും സംസാരിക്കുകയുണ്ടായില്ല. പലയിടത്തും ഇരുവരും എത്തിയാല്‍ തന്നെ ഒരാള്‍ മടങ്ങിയ ശേഷമാകും മറ്റേയാള്‍ വേദിയിലേക്ക് വരിക.
എന്നാല്‍ ഇപ്പോഴിതാ വർഷങ്ങള്‍ക്ക് ശേഷം ഒരുവേദിയില്‍ ദിലീപും മഞ്ജു വാര്യരും ഒരേ ചടങ്ങില്‍ എത്തിയ വീഡിയോ സോഷ്യല്‍ മീഡിയ ആഘോഷിച്ചു. ദിലീപിനെ കണ്ടപ്പോള്‍ മഞ്ജു വാര്യര്‍ എഴുന്നേറ്റു നിന്നു എന്നു തുടങ്ങി വ്യാജവാര്‍ത്തകളിലൂടെ ഈ സംഭവത്തെ സെന്‍സേഷണലൈസ് ചെയ്യാനും യുട്യൂബ് മാധ്യമങ്ങള്‍ ശ്രമിച്ചു. .
മഞ്ജു വാര്യരും ദിലീപും വേര്‍പിരിഞ്ഞിട്ട് പത്ത് വര്‍ഷത്തിന് ശേഷമുള്ള ഈ കണ്ടുമുട്ടല്‍ സംഭവബഹുലമാകുമെന്ന് കരുതിയവര്‍ക്ക് തെറ്റി. രണ്ടു പേരും ചടങ്ങിനെത്തി എന്നല്ലാതെ പരസ്പരം മിണ്ടിയില്ല. മഞ്ജു വാര്യര്‍ ഇരുന്ന സീറ്റില്‍ നിന്നും പത്ത് കസേരകള്‍ക്ക് അപ്പുറമായിരുന്നു ദിലീപ് ഇരുന്നത്. പൃഥ്വിരാജ്, ജയസൂര്യ എന്നിവർക്ക് അരികിലായിരുന്നു മഞ്ജു വാര്യർ ഇരുന്നത്.
മുഖ്യമന്ത്രി വി.ഡി. സതീശൻ ആണ് നിർവഹിച്ചത്. ദിലീപിനും മഞ്ജു വാര്യര്‍ക്കും പുറമെ ജയസൂര്യ, പൃഥ്വിരാജ്, കുഞ്ചാക്കോ ബോബൻ, സുരാജ് വെഞ്ഞാറമ്മൂട്, ആന്റണി പെരുമ്പാവൂർ, കലാഭവൻ ഷാജോണ്‍, ഷെയ്ൻ നിഗം, ശ്രുതി രാമചന്ദ്രൻ, നരേന്‍, അദിതി രവി, നവ്യ നായര്‍, ധ്യാന്‍ ശ്രീനിവാസന്‍, ബേസില്‍ ജോസഫ് തുടങ്ങിയൊരു നീണ്ട താര നിര തന്നെയുണ്ടായിരുന്നു. തുടങ്ങി നിരവധി താരങ്ങള്‍ തിയറ്ററിന്റെ ഉദ്ഘാടനത്തിനെത്തിയിരുന്നു. കേരളത്തിലെ ഏറ്റവും വലിയ തിയറ്റർ ഗ്രൂപ്പായി മാറിയ മാജിക് ഫ്രെയിംസിന്റെ അൻപതാമത്തെ സ്ക്രീനാണിത്. പൃഥ്വിരാജ് നായകനാകുന്ന ‘ഖലീഫ’യാണ് ട്രാൻസ്പെരന്റ് എല്‍ഇഡി സ്ക്രീനില്‍ റിലീസ് ചെയ്യുന്ന ആദ്യ ചിത്രം.
