തിരുവനന്തപുരം: പ്രതിപക്ഷ ഉപനേതൃസ്ഥാനത്തെച്ചൊല്ലി തര്ക്കങ്ങള് തുടരവെ ഇന്ന് നടന്ന ഇടതുമുന്നണി യോഗത്തില് വിഷയം ഉന്നയിക്കാതെ സിപിഐ.മൂന്ന് മാസത്തിന് ശേഷമാണ് ഇടതുമുന്നണി യോഗം ചേര്ന്നത്.
എന്നാല് ഈ വിഷയം മുന്നണിയുടെ പൊതു അജണ്ടയല്ലെന്നും അത് സിപിഎമ്മും സിപിഐയും തമ്മില് ചര്ച്ച ചെയ്ത് തീരുമാനിക്കേണ്ട ഉഭയകക്ഷി വിഷയമാണെന്നുമാണ് സിപിഐ സംസ്ഥാന സെക്രട്ടറി ബിനോയ് വിശ്വത്തിന്റെ നിലപാട്. ജനങ്ങള് അഭിമുഖീകരിക്കുന്ന മറ്റ് പ്രധാന വിഷയങ്ങളാണ് യോഗത്തില് ചര്ച്ചയായതെന്നാണ് കണ്വീനര് ടി.പി. രാമകൃഷ്ണന് പറഞ്ഞത്.
പദവിയില് വിട്ടുവീഴ്ചയില്ലെന്ന് കഴിഞ്ഞ ദിവസങ്ങളിലും നിലപാടെടുത്തതാണ് സിപിഐ. എന്നാല് യോഗത്തില് വിഷയം ഉന്നയിക്കാതിരുന്നത് വിട്ടു വീഴ്ചയ്ക്ക് തയാറാകുന്നതിന്റെ സൂചനയാണോ എന്നുളള ചര്ച്ചകളും സജീവം.
