തിരുവനന്തപുരം: ഡിവൈഎഫ്ഐ ഭാരവാഹികള്ക്ക് പ്രായപരിധി ഏര്പ്പെടുത്താനുളള നീക്കത്തില് സിപിഎം സംസ്ഥാനസെക്രട്ടറി എം വി ഗോവിന്ദനെതിരെ ഒരുവിഭാഗം ഡിവൈഎഫ്ഐ നേതാക്കള്.പ്രായപരിധി 38 വയസ് ആക്കാനുളള നീക്കം ഇഷ്ടമല്ലാത്തവരെ തള്ളാനുളള നീക്കമാണെന്നാണ് വിമര്ശനം. കഴിഞ്ഞദിവസം എം വി ഗോവിന്ദന് വിളിച്ചുചേര്ത്ത ഫ്രാക്ഷന് യോഗത്തിലാണ് നിര്ദേശം വച്ചത്.
ഡിവൈഎഫ്ഐയുടെ കേന്ദ്ര നേതാക്കള് അടക്കം 40 വയസ് പിന്നിട്ടവരാണ്.പ്രായപരിധി കുറയക്കേണ്ട തീരുമാനം എടുക്കേണ്ടത് സിപിഎം സംസ്ഥാന സെക്രട്ടറിയേറ്റാണ്.നിലവില് 40 വയസാണ് ഡിവൈഎഫ്ഐ പ്രായ പരിധി.
സിപിഎം സംസ്ഥാന കമ്മിറ്റി അംഗം ചിന്ത ജെറോമിനെ ഡിവൈഎഫ്ഐയുടെ പുതിയ സംസ്ഥാന പ്രസിഡന്റാക്കാനാണ് നീക്കം. നിലവില് ഡിവൈഎഫ്ഐ കേന്ദ്രകമ്മിറ്റി അംഗമാണ്. സിപിഎം സംസ്ഥാന സെക്രട്ടറി എം വി ഗോവിന്ദനാണ് ഫ്രാക്ഷന് യോഗത്തില് പാനല് അവതരിപ്പിച്ചത്. തിരുവനന്തപുരം മുന് മേയര് ആര്യാ രാജേന്ദ്രന്റെ പേര് ഉയര്ന്നു വന്നെങ്കിലും പരിഗണിച്ചില്ല.
