ന്യൂഡൽഹി : ജന്തർമന്തർ സമരത്തിൽ പാറ്റപാർട്ടിയുടെ വോളണ്ടിയർ ആയിരുന്ന മുഹമ്മദ് ജുനൈദിനെതിരെ പീഡനപരാതി . ജന്തർ മന്തർ പ്രതിഷേധത്തിൽ പങ്കെടുത്ത പെൺകുട്ടികളിൽ ഒരാളായ മഹിര കശ്യപാണ് , ജുനൈദിനെതിരെ ഔദ്യോഗികമായി പരാതി നൽകിയിരിക്കുന്നത് .
ഡൽഹിയിലെ പാർലമെന്റ് സ്ട്രീറ്റ് പോലീസ് സ്റ്റേഷനിലാണ് മഹിര കശ്യപ് പരാതി നൽകിയത് . ജന്തർ മന്തറിൽ നടന്നുകൊണ്ടിരിക്കുന്ന പ്രതിഷേധത്തിൽ ഒരു വളണ്ടിയർ എന്ന നിലയിൽ താനും സഹായിച്ചിരുന്നതായി പരാതിയിൽ പറയുന്നു. ഈ സമയത്താണ് താൻ മുഹമ്മദ് ജുനൈദുമായി ഇടപഴകിയത്. തുടക്കത്തിൽ, അദ്ദേഹവുമായി സൗഹൃദപരമായാണ് ഇടപഴകുകയും അദ്ദേഹത്തെ വിശ്വസിക്കുകയും ചെയ്തത്.
എന്നാൽ പിന്നീട് ജുനൈദ് നിരവധി പെൺകുട്ടികളോട് അനുചിതമായി പെരുമാറുന്നത് താൻ ശ്രദ്ധിച്ചുവെന്ന് മഹിര പറയുന്നു. അദ്ദേഹത്തിന്റെ പെരുമാറ്റം പെൺകുട്ടികൾക്ക് അസ്വസ്ഥതയുണ്ടാക്കിയിരുന്നു. ജുനൈദ് തന്നോടും സമാനമായി പെരുമാറിയെന്നും അത് തനിക്ക് ആക്ഷേപകരമാണെന്നും മഹിര പരാതിയിൽ പറഞ്ഞു. ജന്തർ മന്തർ പ്രതിഷേധത്തിൽ പങ്കെടുത്ത സ്ത്രീകൾക്കിടയിൽ അത്തരം പെരുമാറ്റം അസ്വസ്ഥതയുടെയും അരക്ഷിതാവസ്ഥയുടെയും അന്തരീക്ഷം സൃഷ്ടിച്ചതായി പരാതിയിൽ പറയുന്നു.
ജുനൈദിന്റെ പെരുമാറ്റത്തെക്കുറിച്ച് മറ്റ് ചില പെൺകുട്ടികളും ആശങ്കകൾ പ്രകടിപ്പിച്ചിരുന്നു. തുടർന്ന് അഭിജിത് ദിപ്കെയുമായി അവർ ഇക്കാര്യം ചർച്ച ചെയ്തു. ജൂലൈ 11 ന് പ്രതിഷേധ സ്ഥലത്ത് നിന്ന് പുറത്തുപോകാൻ ജുനൈദിനോട് ആവശ്യപ്പെടുകയും ചെയ്തുവെന്ന് മഹിറ പറയുന്നു.
എന്നാൽ സോനം വാങ്ചുകിനെ കസ്റ്റഡിയിലെടുത്തതിന്റെ പിറ്റേന്ന് ജുനൈദ് പ്രതിഷേധ സ്ഥലത്ത് തിരിച്ചെത്തിയതായി മഹിറ പരാതിയിൽ പറയുന്നു. തന്റെ പെരുമാറ്റത്തിന് മഹിറയോട് ജുനൈദ് ക്ഷമാപണം നടത്തി. സംഭാഷണത്തിനിടെ, തന്റെ പെരുമാറ്റം അനുചിതമായിരുന്നുവെന്ന് ജുനൈദ് സമ്മതിക്കുകയും അതിന് ക്ഷമാപണം നടത്തുകയും ചെയ്തു. ഈ സംഭാഷണത്തിന്റെ ഒരു ഓഡിയോ റെക്കോർഡിംഗ് തന്റെ കൈവശമുണ്ടെന്ന് മഹിറ അവകാശപ്പെടുന്നു. എന്നാൽ ജുനൈദ് ഇതുവരെ പരസ്യമായി ക്ഷമാപണം നടത്തിയിട്ടില്ലെന്ന് മഹിര പറയുന്നു.
അതേസമയം പീഡനത്തെ പറ്റി അഭിജിത് ദീപ്കെയ്‌ക്ക് അറിയാമെന്നും മഹിര പറയുന്നുണ്ട്. എന്നാൽ ഇതൊക്കെ അറിഞ്ഞിട്ടും ജുനൈദിനെ കൂടുതൽ പിന്തുണയ്‌ക്കുകയായിരുന്നു പാറ്റാപാർട്ടി. യുപി പൊലീസ് ജുനൈദിനെ വീട്ടിൽ റെയ്ഡ് നടത്തിയപ്പോഴും ജുനൈദിനെ പിന്തുണച്ച് ദീപ്കെ സംസാരിച്ചിരുന്നു.
