ന്യൂദല്ഹി: ഇന്ത്യാസ് ഗോട്ട് ലാറ്റന്റ് ഷോയില് ഭിന്നശേഷിക്കാരെക്കുറിച്ച് നടത്തിയ പരാമര്ശങ്ങളുടെ പേരില് യൂട്യൂബറും ഹാസ്യനടനുമായ സമയ് റെയ്നയ്ക്കും മറ്റ് നാല് പേര്ക്കും എതിരെയുള്ള ക്രിമിനല് കേസുകള് സുപ്രീം കോടതി റദ്ദാക്കി. മാത്രമല്ല, ഭിന്നശേഷിക്കാരുടെ ക്ഷേമത്തിനായി ഷോകള് സംഘടിപ്പിച്ചതിന് കോടതി അവരെ അഭിനന്ദിക്കുകയും ചെയ്തു.
‘അവര് വളരെ മിടുക്കരായ യുവാക്കളാണ്. അവര് നല്ല ദിശയില് പ്രവര്ത്തിച്ചാല് സദ്ഫലങ്ങളുണ്ടാകുമെന്നും’ ബെഞ്ച് പറഞ്ഞു. എന്നാല് ഉള്ളടക്കം സംബന്ധിച്ച് സൂക്ഷ്മ പരിശോധന ഉറപ്പാക്കാന് വൈകല്യമുള്ള വ്യക്തികളില് നിന്നുള്ള നിര്ദ്ദേശങ്ങള് പരിഗണിക്കുന്നതിനായി ഈ വിഷയത്തില് കൂടുതല് വാദം കേള്ക്കുമെന്ന് കോടതി വ്യക്തമാക്കി.
സമയ് റെയ്നയെ കൂടാതെ വിപുല് ഗോയല്, ബല്രാജ് പരംജീത് സിംഗ് ഘായ്, സൊണാലി തക്കര്, നിശാന്ത് ജഗദീഷ് തന്വാര് എന്നിവര്ക്കെതിരായ കേസാണ് കോടതി റദ്ദാക്കിയത്.
