ഹൈദരാബാദ്: അല്ലു അര്ജുന് എന്ന നടന് നിരവധി ആരാധകരുണ്ടെങ്കിലും അദ്ദേഹം ആരാധിച്ചിരുന്ന ഒരു നടിയുണ്ടായിരുന്നു- തമിഴിലെ ശ്രീദേവി.
ശ്രീദേവിയെ ഹിന്ദി നിര്മ്മാതാവ് ബോണി കപൂര് വിവാഹം ചെയ്ത വാര്ത്ത കേട്ട് ആ ദിവസം മുഴുവനും അല്ലു അര്ജുന് കരഞ്ഞിരുന്നു. അല്ലു അര്ജുന് ഒരു യൂട്യൂബ് ചാനലിന് നല്കിയ അഭിമുഖമാണ് വൈറലായത്.
‘ബോളിവുഡ് താരം ശ്രീദേവിയെ ഞാന് അത്രയ്ക്കധികം ആരാധിച്ചിരുന്നു. അവരോടുള്ളത്ര അരാധന എനിക്ക് വേറെ ആരോടും തോന്നിയിട്ടില്ല. നടി ശ്രീദേവി ബോണി കപൂറിനെ വിവാഹം കഴിച്ചെന്ന് അറിഞ്ഞ ദിവസം മുഴുവന് നേരവും ഞാന് കരഞ്ഞു. അത് വിശ്വസിക്കാന് പോലും കഴിഞ്ഞില്ല’- ഇതാണ് അല്ലു അര്ജുന് പറഞ്ഞത്.
മഹാരാഷ്ട്രയിലെ ഷിര്ഡിയില് വച്ച് 1996 ജൂണ് 2-നാണ് ശ്രീദേവിയുടെയും ബോണി കപൂറിന്റെയും വിവാഹം നടന്നത്. അടുത്ത ബന്ധുക്കള് മാത്രം പങ്കെടുത്ത സ്വകാര്യ ചടങ്ങായിരുന്നു ഇത്. ബോണി കപൂര് ഒരിയ്ക്കല് വിവാഹതിനായ വ്യക്തിയാണ്. ശ്രീദേവിയുടെ ആദ്യ വിവാഹവും.
1967-ല് തമിഴ് സിനിമയിലൂടെയാണ് ശ്രീദേവിയുടെ അരങ്ങേറ്റം. ശ്രീദേവി പിന്നീട് മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിലായി 300-ലധികം സിനിമകളില് അഭിനയിച്ചു.
2018 ഫെബ്രുവരി 24-ന് ദുബായിലെ ഒരു ഹോട്ടലില് ബാത്ത് ടബ്ബില് വീണാണ് ശ്രീദേവിയുടെ മരണം സംഭവിച്ചത്. ശ്രീദേവിയുടെ മക്കളായ ജാന്വി കപൂറും ഖുഷി കപൂറും ബോളിവുഡില് അഭിനയരംഗത്തുണ്ട്.
