തിരുവനന്തപുരം: പല ജില്ലകളിലും മഴ തുടരുന്നതിനാല് സംസ്ഥാനത്തെ സ്കൂള് കെട്ടിടങ്ങള്ക്ക് സമീപം അപകടാവസ്ഥയിലുള്ള മരങ്ങള് മുറിച്ചു മാറ്റുന്നതിനും വൈദ്യുത പോസ്റ്റുകളുടെ സുരക്ഷ പരിശോധിക്കുന്നതിനുമായി പൊതു വിദ്യാഭ്യാസ സ്പെഷ്യല് സെക്രട്ടറിക്ക് വകുപ്പ് മന്ത്രി എന് ഷംസുദ്ദീന് നിര്ദേശം നല്കി.കനത്ത മഴയില് വിവിധ സ്ഥലങ്ങളില് മണ്ണിടിച്ചിലും മതിലുകള് ഇടിയുന്ന സാഹചര്യത്തിലുമാണ് സ്കൂളുകള്ക്ക് ഇത്തരത്തില് അപകടാവസ്ഥ ഉണ്ടാകാന് സാധ്യതയുണ്ടോ എന്ന് അടിയന്തരമായി പരിശോധിക്കാന് മന്ത്രി നിര്ദേശം നല്കിയത്.
അതേസമയം, ചൊവ്വാഴ്ച കോഴിക്കോട്, മലപ്പുറം, ആലപ്പുഴ, പത്തനംതിട്ട എന്നീ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. കണ്ണൂര് ജില്ലയിലെ പയ്യന്നൂര്, തളിപ്പറമ്പ്, ഇരിട്ടി താലൂക്കുകളിലെ വിദ്യാഭ്യാസ സ്ഥാപനങ്ങള്ക്കും അവധി നല്കി.ഇവിടെ പ്രൊഫഷണല് കോളേജുകള്ക്ക് അവധി ബാധകമല്ല. ഇടുക്കി,വയനാട് ജില്ലകളില് ദുരിതാശ്വാസ ക്യാമ്പുകളായി പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് ക്യാമ്പ് അവസാനിക്കുന്ന ദിവസം വരെ അവധി പ്രഖ്യാപിച്ചു.
