ന്യൂദല്ഹി: മൈനസ് 42 ഡിഗ്രിയില് പോലും മരവിക്കാത്ത ഡീസല് പുറത്തിറക്കിയിരിക്കുകയാണ് ഇന്ത്യന് സേന. എക്സ്ട്രീം വെതർ ഗ്രേഡ് (XWG) ഡീസൽ എന്ന് വിളിക്കപ്പെടുന്ന ഈ അപൂര്വ്വ ശേഷിയുളള ഡീസല് കഴിഞ്ഞ ദിവസമാണ് പുറത്തിറക്കിയത്.പലപ്പോഴും തണുപ്പുകൂടുതലുള്ള ഉയര്ന്ന പ്രദേശങ്ങളില് സൈനിക വാഹനങ്ങളും മറ്റും ഉപയോഗിക്കുക ദുഷ്കരമായിരുന്നു.
ഇന്ത്യന് സേനയും ഭാരത് പെട്രോളിയവും ചേര്ന്നാണ് ഈ പുതിയ ഡീസല് ഉല്പന്നം വികസിപ്പിച്ചത്. മൈനസ് 42 ഡിഗ്രി പോലെ അങ്ങേയറ്റം തണുപ്പുള്ള കാലാവസ്ഥയില് പോലും ഡീസല് മെഴുകുപോലെയോ ജെല് പോലെയോ ആകില്ല. പണ്ടൊക്കെ തണുത്ത കാലാവസ്ഥയുള്ള ഉയരംകൂടിയ പ്രദേശങ്ങളില് വാഹനങ്ങള് പ്രവര്ത്തിപ്പിക്കുക സൈന്യത്തിന് വെല്ലുവിളിയായിരുന്നു. കാരണം മൈനസ് ഒമ്പത് ഡിഗ്രിയുള്ള തണുത്ത പ്രദേശങ്ങളില് പോലും ഡീസല് മരവിച്ച് ഒരു ജെല് പോലെ ആകുക പതിവായിരുന്നു.
ഉയര്ന്ന ഭൂപ്രദേശങ്ങളിലെ തണുത്ത കാലാവസ്ഥ ഇന്ത്യന് സേനയ്ക്ക് വലിയ വെല്ലുവിളിയായിരുന്നു. കാരണം വാഹനങ്ങള് പ്രവര്ത്തിപ്പിക്കുക ബുദ്ധിമുട്ടായിരുന്നു. ഈ പ്രശ്നത്തിനാണ് മൈനസ് ഡിഗ്രിയില് പോലും മരവിക്കാത്ത പുതിയ ഡീസല് വികസിപ്പിച്ചതോടെ പരിഹാരമായത്. ഇന്ധനം മരവിക്കുന്നത് തടയാൻ ഡ്രൈവർമാർ മുമ്പ് രാത്രി മുഴുവൻ വാഹനങ്ങൾ ആവർത്തിച്ച് സ്റ്റാർട്ട് ചെയ്ത് നിർത്തുക പതിവായിരുന്നു.
എക്സ്ട്രീം വെതർ ഗ്രേഡ് (XWG) ഡീസൽ എന്ന ഈ പുതിയ സവിശേഷതകളുള്ള ഡീസല്, സൈനിക വാഹനങ്ങളെ -42°C വരെ താഴ്ന്ന താപനിലയിൽ പ്രവർത്തിപ്പിക്കാൻ പ്രാപ്തമാക്കുന്നു
ഇന്ധനം മരവിക്കുന്നത് തടയാൻ ഡ്രൈവർമാർ മുമ്പ് രാത്രി മുഴുവൻ വാഹനങ്ങൾ ഇടയ്ക്കിടെ തുടര്ച്ചയായി സ്റ്റാർട്ട് ചെയ്യുകയും നിർത്തുകയും ചെയ്തിരുന്നുവെന്നും ഇനി മുതല് ഈ ഒരു തലവേദന സൈന്യത്തിന് ഒഴിഞ്ഞുകിട്ടിയെന്നും ആർമി ചീഫ് ജനറൽ ധീരജ് സേത്ത് പറഞ്ഞു. ഈ പുതിയ ഡീസല് ഒരു “യഥാർത്ഥ ഗെയിം ചേഞ്ചർ” ആണെന്നും ധീരജ് സേത്തി വിശേഷിപ്പിച്ചു, പണ്ടൊക്കെ അപകടസാധ്യത ഉണ്ടായിരുന്നിട്ടും ഇന്ധന ടാങ്കുകൾക്ക് താഴെ പരമ്പരാഗത ഹീറ്ററുകളും പ്രവര്ത്തിപ്പിക്കേണ്ടിവന്നിരുന്നു. ഈ തലവേദനകള്ക്കെല്ലാം എക്സ്ട്രീം വെതർ ഗ്രേഡ് (XWG) ഡീസൽ എത്തിയതോടെ പരിഹാരമായെന്നും ധീരജ് സേത്തി പറഞ്ഞു. .
ഈ പുതിയ എക്സ്ട്രീം വെതർ ഗ്രേഡ് (XWG) ഡീസലിന് മൈനസ് 42 ഡിഗ്രി പവർ പോയിന്റും ഏകദേശം 50°C ഫ്ലാഷ് പോയിന്റും ഉണ്ട്, കഴിഞ്ഞ ഒരു വർഷത്തെ പരീക്ഷണങ്ങള്ക്കൊടുവിലാണ് ഈ പുതിയ ഡീസല് വികസിപ്പിച്ചത്. സൈന്യത്തിന് വലിയ മുതല്ക്കൂട്ടാണ് ഈ പുതിയ ഡീസല്. ഇനി തണുത്തുറഞ്ഞ കാലാവസ്ഥകളിലും ഇന്ത്യന് സേനയ്ക്ക് വാഹനങ്ങള് പ്രവര്ത്തിപ്പിക്കാനാവും.
