തിരുവനന്തപുരം:നിയന്ത്രണംവിട്ട കാറിടിച്ച് നിരവധി പേര്‍ക്ക് പരിക്ക്.പാറ്റൂരില്‍, ജനറല്‍ ആശുപത്രിക്ക് സമീപമാണ് അപകടം.
കാര്‍ യാത്രികര്‍ മദ്യലഹരിയിലായിരുന്നെന്നാണ് ദൃക്‌സാക്ഷികള്‍ പറയുന്നത്.നിയന്ത്രണം വിട്ട കാര്‍ ഡിവൈഡറില്‍ ഇടിച്ച ശേഷം നിരവധി വാഹനങ്ങളില്‍ ഇടിക്കുകയായിരുന്നു.കാര്‍ ഇടിച്ചു കയറിയതിനെ തുടര്‍ന്ന് ഒരു ഓട്ടോറിക്ഷ തകര്‍ന്ന് അതിലുണ്ടായിരുന്ന യാത്രക്കാര്‍ക്ക് ഗുരുതര പരിക്കേറ്റു.
അപകടത്തില്‍ ഒരു ബൈക്ക് യാത്രികന്റെ കാല്‍ പൂര്‍ണമായും മുറിഞ്ഞുപോയതായാണ് അറിയുന്നത്.പരിക്കേറ്റ നാല് പേരെ ആശുപത്രിയില്‍ പ്രവേശിപ്പിച്ചു.കാറിലുണ്ടായിരുന്ന രണ്ട് പേരെയും വഞ്ചിയൂര്‍ പൊലീസ് കസ്റ്റഡിയിലെടുത്തു.
