ഓള് കേരള എല്പിഎസ്ടി റാങ്ക് ഹോള്ഡേഴ്സിന്റെ ആഭിമുഖ്യത്തില് അനിശ്ചിതകാല നിരാഹാരം നടത്തുന്ന സമരക്കാരെ വി. മുരളീധരന് എംഎല്എ സന്ദര്ശിച്ചപ്പോള്. യുവമോര്ച്ച സംസ്ഥാന പ്രസിഡന്റ് മനുപ്രസാദ്, യുവമോര്ച്ച സംസ്ഥാന പ്രഭാരി ഒ. നിധീഷ് തുടങ്ങിയവര് സമീപം
തിരുവനന്തപുരം: സമരം ചെയ്യുന്നവരോട് ചര്ച്ച നടത്തണമെന്നത് ജനാധിപത്യപാരമ്പര്യമാണെന്നും റാങ്ക് ലിസ്റ്റില് ഉള്പ്പെട്ടിട്ടും പിഎസ്സി നിയമനം ലഭിക്കാതെ സമരം ചെയ്യുന്നവരോട് ചര്ച്ച ചെയ്യാത്ത സര്ക്കാര് നടപടി നീതീകരിക്കാനാകില്ലാത്തതെന്നും വി. മുരളീധരന് എംഎല്എ.
സമരം 23 ദിവസം പിന്നിട്ടിട്ടും സമരക്കാരോട് ചര്ച്ച നടത്താന് അനുമതിപോലും നല്കിയിട്ടില്ല. സമരക്കാരോട് ചര്ച്ച ചെയ്യുന്നില്ല എന്നു മാത്രമല്ല, അങ്ങോട്ട് ചര്ച്ചയ്ക്ക് പോകുമ്പോള് അവഹേളിക്കുന്ന സമീപനമാണ് മന്ത്രിയുടെ ഓഫീസില് നിന്ന് ഉണ്ടാകുന്നത്. ഇത്തരത്തിലുള്ള അവഹേളനം ദൂരവ്യാപകമായ പ്രത്യാഘാതങ്ങള് ഉണ്ടാക്കുമെന്ന് സര്ക്കാര് ഓര്ക്കണം. പിഎസ്സിയുടെ ക്രമക്കേടുമായി ബന്ധപ്പെട്ട് പഴയ സര്ക്കാരിനെ സഹായിക്കുന്ന നിലപാടാണ് പുതിയ സര്ക്കാര് സ്വീകരിക്കുന്നതെന്നും മുരളീധരന് പറഞ്ഞു. സെക്രട്ടേറിയറ്റിനുമുന്നില് നിയമനം ലഭിക്കാത്തതിനെ തുടര്ന്ന് സമരം ചെയ്യുന്ന എല്പിഎസ്ടി പിഎസ്സി റാങ്ക് ലിസ്റ്റില് ഉള്പ്പെട്ടവരെ സന്ദര്ശിച്ചശേഷം മാധ്യമപ്രവര്ത്തകരോട് സംസാരിക്കുകയായിരുന്നു മുരളീധരന്.
ക്രൈംബ്രാഞ്ച് അന്വേഷണം ഏറ്റെടുത്തിട്ടും മന്ദഗതിയിലാണ് നടക്കുന്നത്. കേന്ദ്രത്തില് പരീക്ഷ ക്രമക്കേട് വന്നാല് അവിടുത്തെ മന്ത്രി രാജിവയ്ക്കണം. സംസ്ഥാനത്ത് പരീക്ഷ ക്രമക്കേട് വന്നാല് ആര്ക്കെതിരെയും നടപടിയില്ല എന്ന സ്ഥിതിയാണ്. ഇത് ഇന്ഡി സഖ്യം പരസ്പരം സംരക്ഷിക്കുന്ന സമീപനത്തിന്റെ ഭാഗമാണോ എന്നുള്ളത് മുഖ്യമന്ത്രി വ്യക്തമാക്കണം.
പിഎസ്സി റാങ്ക് ലിസ്റ്റില് ഉണ്ടായിരുന്ന ചെറുപ്പക്കാര് ആഴ്ചകളോളം മുട്ടിലിഴഞ്ഞ് സമരം ചെയ്തിട്ടും കഴിഞ്ഞ ഇടതുസര്ക്കാര് തിരിഞ്ഞുനോക്കിയില്ല. അദ്ധ്യാപകരായി നിയമിക്കപ്പെടാന് യോഗ്യതയുള്ളവരായി പിഎസ്സി തന്നെ കണ്ടെത്തിയിട്ടുള്ള ആളുകള് കഴിഞ്ഞ രണ്ട് അദ്ധ്യയന വര്ഷത്തോളമായി നിയമനം കാത്തുനില്ക്കുകയാണ്. വിഷയം നിയമസഭയില് അവതരിപ്പിക്കുമെന്ന് വി. മുരളീധരന് സമരം ചെയ്യുന്ന ഉദ്യോഗാര്ത്ഥികള്ക്ക് വാക്കുകൊടുത്തു.
